Prevyu. "Mashal" - "Nasaf"

Mashal (Muborak) – Nasaf (Qarshi)
1 iyul 2016. Muborak. Bahrom Vafoev nomidagi stadion. 19:00
Hakamlar: R. Bobomurodov (Navoiy), A. Capenko (Toshkent vil.), A. Snetkov (Toshkent vil.), B. Yulcharaev (Guliston)
Nazoratchi: B. Galeev (Urganch).

“Mashal” va “Nasaf” oliy ligada jami 26 bora to'qnash kelishgan. SHulardan 13tasida qarshiliklar g'olib bo'lishgan, 6ta  o'yinda durang qayd etilgan. “Mashal” hozirga qadar o'zaro o'yinlarda “ajdarlar”ni 7 marta mag'lub eta olgan. To'plar nisbati “Nasaf” foydasiga 43:26 ni tashkil qilmoqda. O'zaro o'inlarda “Nasaf” 45 ochkoni, “Mashal” esa 27 ochkoni qo'lga kiritgan.

“Nasaf”ning o'zaro o'yinlarda qozongan eng yirik g'alabasi – 3:0 ga teng bo'lsa, muborakliklarda bu ko'rsatkich 4:1 bo'lib turibdi.

O'tgan yil dastlabki davrada “Nasaf” Akrom Bahriddinov, Bahrom Abdurahimov va Ilhom SHomurodov tomonidan urilgan gollar evaziga 3:0 hisobida zafar quchgandi. Muborakdagi bahs taqdirini yagona gol hal qilgandi. SHahzod SHaymanov “Mashal”ga g'alaba keltirgan edi – 1:0.

Muborakda o'tgan so'nggi besh uchrashuv:
20.11.2015 Mashal - Nasaf 1:0
02.11.2014 Mashal - Nasaf 1:1
26.04.2012 Mashal - Nasaf 0:0
08.09.2011 Mashal - Nasaf 1:1
21.08.2010 Mashal - Nasaf 1:0

O'zaro o'yinlar haqida fakt: Bu jamoalarning Muborakda o'tgan o'yinlarida besh marta “Mashal” g'alaba qozongan. Ikki o'yinda “ajdarlar” safarda uch ochkoga ega bo'lishgan. “Mashal” maydonida olti marta durang qayd etilgan.  “Nasaf” Muborakda oxirgi 9ta o'yinning hech birida g'alaba qozona olmagan.