Prevyu. "Dinamo" - "Qizilqum"

DINAMO – QIZILQUM 
4 aprel 2015. Samarqand. "Dinamo" stadioni. 16:00
Hakamlar: I.Tantashev, A.Qo'ldoshev, V.Lushin, K.Rasulov.
Nazoratchi: SH.Jumaev.

Bu ikki klub oliy ligada 30 bora to'qnash kelgan. Ushbu o'yinlardan 12tasida navoiyliklar g'olib bo'lishgan. 8 o'yin durang hisobida yakunlangan. “Dinamo” shu kunga qadar oliy ligada “Qizilqum”ni 10 marta mag'lubiyatga uchrata olgan.

“Dinamo” 41ta gol urgan va 38ta o'tkazib yuborgan. “Qizilqum” o'zaro o'yinlarda 44 ochko ishlab olgan. Samarqandliklarning ko'rsatkichi esa 38 ochko. “Qizilqum”ning oliy ligada “Dinamo” ustidan erishgan eng yirik g'alabasi 3:1 ni tashkil qiladi. “Dinamo”ning esa navoiyliklar ustidan qozongan eng yirik g'alabsi – 6:1 ga teng.

2014 yilning birinchi davrasida “Qizilqum” 2:0 hisobida zafar quchdi. SHerali Jo'raev va Alisher Xoliqov “Dinamo” darvozasiga to'p kiritishgandi. Samarqandda o'tgan bahsda mehmonlar himoyachisi Georgiy Kvesieshvili ikki bor o'z darvozasiga to'p kiritib qo'ygan. Alisher Azizov esa “Dinamo” darvozasiga bir bor gol urgan – 2:1.

Samarqandda o'tgan so'nggi besh uchrashuv:
20.09.2014 Dinamo - Qizilqum 2:1
04.08.2013 Dinamo - Qizilqum 1:0
27.09.2012 Dinamo - Qizilqum 3:0
21.08.2011 Dinamo - Qizilqum 1:1
01.05.2010 Dinamo - Qizilqum 0:0

O'zaro o'yinlar haqida fakt: “Dinamo” o'z uyida 9 marta ushbu raqibni taslim qilgan. Faqat 4ta bahsda durang qayd etilgan. “Qizilqum” safardan 2 marta g'alaba bilan qaytgan.  So'nggi uchta uchrashuvda “Dinamo” Samarqandda g'olib bo'lgan.