Prevyu: CHili - Avstraliya. O'z guruhida favorit bo'lmaganlar bahsi

SHu bois ham o'zaro o'yin juda katta ahamiyat kasb etadi. Yutgan jamoa keyingi bosqichga chiqish uchun imkoniyatlarini oshiradi, mag'lub esa katta ehtimol bilan guruh bosqichidan so'ng ortiga qaytadi.



CHilini ko'pchilik mundial kashfiyoti sifatida ko'rmoqda. Agar mana shunday guruhdan chiqa olinsa shubhasiz bu katta natija bo'ladi. Ispaniya yoki Gollandiyani ortda qoldirish sensaciya bo'lishi aniq. CHili guruh autsayderi deb qaralayotgan Avstraliyaga qarshi bahsda o'zini ko'rsatishga urinadi.



Terma jamoaning eng asosiy muammosi bu – Arturo Vidal. Oldinroq “Yuve” vakili guruh bosqichining ikki o'yinini o'tkazib yuborishi malum qilgandi, biroq u tezda o'z formasini tikladi va Avstraliyaga qarshi o'yinga tayyor. Mashg'ulotlar vaqtida sog'iligi bilan muammolarga ega bo'lgan Aleksis Sanches ham “sokkeruzlar”ga qarshi maydonga tushishi kutilmoqda.

Umuman olganda, etakchilarning safga qaytishlari Xorxe Sampaoliga qo'shimcha bosh og'riq taqdim etadi. Sababi jamoada asosiy tarkibda tushishga tayyor va loyiq bo'lgan ko'plab kuchli futbolchilar bor. Himoyadan Medel va Xaraning o'rin olishi deyarli aniq. Uchinchi himoyachi sifatida Roxas o'ynashi mumkin.



Avstraliya terma jamoasining Jahon chempionatiga tayyorgarligi o'zgacha bo'ldi. Xolger Osiek istefoga chiqarilgan jamoani Ange Postekoglu o'z qo'liga oldi. U SHvarcer va Nill kabi faxriylarni jamoaga jalb qilmadi, biroq bu bilan jamoa o'yini kuchaygani yo'q. Avstraliya bunday guruhda tajriba olishga va uchta o'yindan bir ochko olishga urinishi mumkin.

Postekoglu jamoasida mashhur futbolchilar juda kam. Hozir himoya chizig'ida asosiy bo'lgan Spiranovich oldin deyarli asosiy tarkibga kiritilmasdi. Mundial vaqtida uchta etakchiga ko'p narsa bog'liq bo'ladi: jamoa sardori Yedinak, hujumchilar Kexill va Breshiano. So'nggi futbolchining jarohatidan qutulib jamoa safiga qo'shilishini juda ko'pchilik kutgandi.



O'zaro o'yinlar
CHili va Avstraliya terma jamoalari Jahon chempionatlarida bir marta to'qnash kelishgan. 1974 yil Germaniyada tashkil etilgan mundialning guruh bosqichidan o'rin olgan bahsda tomonlar gol ura olishmagan – 0:0. SHundan so'ng ushbu jamoalar uch bor o'rtoqlik uchrashuvlarida kuch sinashishgan. Uchala safar ham Janubiy Amerika vakili zafar quchgan.


JCH-1974 (1-guruh)
Avstraliya - CHili 0:0

O'rtoqlik uchrashuvi (1996 yil)
CHili - Avstraliya 3:0

O'rtoqlik uchrashuvi (1998 yil)
Avstraliya - CHili 0:1

O'rtoqlik uchrashuvi (2000 yil)
CHili - Avstraliya 2:1



Qiziqarli faktlar

- Avstraliya terma jamoasi Jahon chempionatlarida jami 10ta o'yinda maydonga tushgan. “Yashil qita” vakillari faqat bir marta gol o'tkazishmagan. Bu 30 yil oldin aynan CHiliga qarshi bahsda kuzatilgan.

- CHili saralashda o'rtacha gol o'tkazish borasida mundialga chiqqanlar orasida “peshqadam”. Vidal jamoadoshlari har bir o'yinda o'rtacha 1,56tadan to'p olib chiqishgan.

- 1962 yil CHili o'z uyida bo'lib o'tgan JCHda uchinchi o'rinni qo'lga kiritgan. O'shandan so'ng ushbu jamoa mundiallarda 17 marta maydonga tushgan va atiga 2 bor g'alaba qozongan.



CHILI - AVSTRALIYA
14 iyun. 03:00.
Kuyaba. "Panantal" stadioni.
Bosh hakam: Noumandez Due (Kot D'Ivuar)
Yordamchi hakamlar: Songuifolo Yeo  (Kot D'Ivuar), Jan Klod Birumushaxu (Burundi)
To'rtinchi hakam: Roberto Moreno (Panama)

CHili (taxminiy tarkib): Bravo - Medel, Xara, Roxas - Isla, Dias, Vidal, Mena - Valdiviya - Sanches, Vargas

Avstraliya (taxminiy tarkib): Rayan - Franjich, Spiranovich, Makgovan, Devidson - Yedinak, Milligan, Breshiano - Leki, Oar - Kexill

Jarohat: Vidal - Breshiano (ikkisi so'roq ostida)

Diskvalifikaciya: yo'q


Narzulla Saydullaev tayyorladi.