Prevyu. "Bunyodkor" - "Neftchi"

BUNYODKOR – NEFTCHI
5 iyun. Toshkent. "Jar" stadioni. 19:00
Hakamlar: M.Muhamedov, M.Majidov, R.Fozilov, D.Karimov
Nazoratchi: B.Galeev.

“Bunyodkor” va “Neftchi” oliy ligada 14 marta o'zaro o'ynashgan. Natijalar “qaldirg'ochlar”ning katta ustunligini ko'rsatmoqda. “Bunyodkor” bu raqibni 11 marta taslim qilgan. “Neftchi” esa faqat 1 marta “qaldirg'ochlar”ni ochkosiz qoldira olgan. 2ta o'yinda durang qayd etilgan. To'plar nisbatida ham tabiiyki ustunlik “Bunyodkor” tomonida - 25:5. O'zaro o'yinlarda “Bunyodkor” 35, “Neftchi” 5 ochkoga ega bo'lgan.

“Bunyodkor”ning o'zaro o'yinlarda qozongan eng yirik g'alabasi – 5:0ga teng. “Neftchi”ning yagona va shu bilan birga eng yirik g'alabasi 2:1.

O'tgan yilgi har ikkala o'yinda “qaldirg'ochlar” bir xil 1:0 hisobida zafar quchishgan. Farg'onada kechgan uchrashuvda mezbonlar darvozaboni Farrux Turdialiev o'z darvozasini ishg'ol qilib qo'ygandi. Toshkentda esa bu yil “Lokomotiv”ga o'tgan Jasur Hasanov penaltidan gol urgandi.

Toshkentda bo'lib o'tgan so'nggi besh uchrashuv:
26.08.2013 Bunyodkor - Neftchi 1:0
18.08.2012 Bunyodkor - Neftchi 2:1
15.10.2011 Bunyodkor - Neftchi 1:0
02.05.2010 Bunyodkor - Neftchi 1:0
31.10.2009 Bunyodkor - Neftchi 5:0

O'zaro o'yinlar haqida fakt: “Bunyodkor” o'z uyida bu raqibga umuman yutqazmagan. Bir marta Toshkentdagi bahsda durang qayd etilgan (2007 yil). Qolgan 6ta o'yinda “qaldirg'ochlar” o'z maydonlarida muntazam ravishda g'alabaga erishib kelishmoqda. “Neftchi” safarda bu jamoa darvozasiga atiga 2ta gol urgan.