Prevyu. "Bunyodkor" - "Buxoro"

BUNYODKOR – BUXORO
12 mart 2015. Toshkent. "Bunyodkor" stadioni. 18:30
Hakamlar: R.Ermatov, A.Rasulov, J.Saidov, J.Jalimov
Nazoratchi: A.Popov.

“Bunyodkor” va “Buxoro” oliy ligada 14 bora to'qnash kelishgan. Natijalar “qaldirg'ochlar”ning mutloq ustunligini ko'rsatmoqda.

“Bunyodkor” ushbu raqibni 12 marta mag'lub etgan. “Buxoro” “qaldirg'ochlar”ga qarshi o'yinda ikki bor durang o'ynagan. “Bunyodkor” o'zaro o'yinlarda 37ta gol urgan, “Buxoro” futbolchilari atiga 3 marta toshkentliklar darvozasini ishg'ol etishgan. “Bunyodkor” o'zaro o'yinlarda 38 ochkoga ega bo'lgan, “Buxoro” hisobida 2 ochko bor. “Bunyodkor”ning o'zaro o'yinlarda eng yirik g'alabasi 5:0ga teng. “Buxoro” hisobida g'alaba umuman yo'qligi haqida aytib o'tdik.

O'tgan mavsum Buxorodagi uchrashuvda durang qayd etilgan. Vitaliy Plamadelaning goliga bir daqiqa o'tgach Vohid SHodiev javob bergandi – 1:1. Toshkentdagi uchrashuvda “qaldirg'ochlar” raqib darvozasiga javobsiz 5 bor gol urishgan – 5:0. Dostonbek Hamdamov dublga erishgan bo'lsa, Aleksandr Pishur, Sato Minori va Zabihillov O'rinboev bir martadan gol urgan.

Toshkentda o'tgan barcha uchrashuvlar:
13.09.2014 Bunyodkor - Buxoro 5:0
05.05.2013 Bunyodkor - Buxoro 4:0
24.09.2012 Bunyodkor - Buxoro 1:0
20.06.2011 Bunyodkor - Buxoro 3:0
10.05.2009 Bunyodkor - Buxoro 4:0
28.09.2008 Bunyodkor - Buxoro 2:0
01.10.2007 Bunyodkor - Buxoro 2:0

O'zaro o'yinlar haqida fakt: “Bunyodkor” o'z maydonidagi 7ta o'yinning barchasida g'olib bo'lgan. Etiborlisi “Buxoro” Toshkentda ushbu jamoa darvozasiga umuman gol ura olmagan.