Poytaxtimizda OFKning klublarni licenziyalash jarayonida moliyaviy mezonlar mavzusida seminar bo'lib o'tmoqda

Bugun 15 aprel kuni PFL binosida mazkur seminar start oldi. Unda Superliga hamda A Pro-liga klublari vakillari, xususan klublarning moliyaviy sohasiga javob beruvchi xodimlari ishtirok etishmoqda. Seminarni OFKning klublarni licenziyalash bo'yicha maslahatchisi Samuel Pantradil hamda OFKning klublarni licenziyalash bo'yicha menejeri Avi Gupta olib bormoqda.

Seminar davomida OFK vakillari klublarning licenziyadan o'tish jarayonida moliyaviy hujjatlarni to'g'ri yo'lga qo'yilgani hamda klubda moliyaviy ishlar tizimli tarzda to'g'ri olib borilayotgani muhim ahamiyat kasb etishini qayd etishdi. Seminarda klub moliya tizimida etibor qaratilishi lozim bo'lgan jihatlar, ushbu sohada ilg'or mamlakatlar tajribalarini yo'lga qo'yish, bunda OFKning asosiy etibor qaratadigan jihatlari to'g'risida klublar vakillariga batafsil malumot berilmoqda.

SHuningdek, seminarda bir qator auditorlik idoralari ham ishtirok etishmoqda. Ular ham OFK tomonidan moliyaviy sohada urg'u beriladigan jihatlarni to'la o'rganib, klublarning qarzdorlik masalalarini tezda bartaraf etish, har bir klub moliyaviy tizimini to'g'ri yo'lga qo'yishda o'z tavsiyalari va maslahatlarini bildirishadi.

OFKning klublarni licenziyalash jarayonida moliyaviy mezonlar mavzusidagi seminari 2 kun davom etadi. Ertaga seminar ishtirokchilari moliyaviy menejment bo'yicha amaliy mashqlar o'tkazishi ko'zda tutilgan.