Podolski faoliyatini Turkiyada davom ettiradi

«Fanatik» xabariga ko'ra, 34 yoshli futbolchi “Antalyaspor” klubi taklifini qabul qilgan. Yaqin soatlarda futbolchi Antalaiyaga keladi va klub rahbarlari bilan uchrashib, bir yarim yillik shartnomaga imzo chekishi kutilmoqda.

“Vissel Kobe” kecha futbolchining klub bilan tuzgan shartnomasi yakuniga etganligi haqida xabar qildi. Forvard erkin agentga aylandi.

Lukash uchun Turkiya begona joy emas. U 2015-17 yillarda “Galatasaray” sharafini himoya qilgan. “Kyoln” klubi tarbiyalanuvchisi hisoblangan germaniyali futbolchi faoliyati davomida “Bavariya”, “Arsenal”, “Inter” klublari sharafini himoya qilgan. 2017 yildan u “Vissel Kobe” safida to'p tepib kelayotgandi.