Piter Xyuistra: "Suyunov bilan muammo yo'q. Derdiyok klubni tark etdi"

Bugun o'yinni yaxshi boshladik, birinchi taymda uni to'liq nazorat qildik. "So'g'diyona"da birinchi taymdagi uzoqdan darvoza to'sinini nishonga olganini hisobga olmasak boshqa vaziyat bo'lmadi, bizda esa ikkita juda yaxshi imkoniyat bo'ldi. Ikkinchi taymda ham juda katta imkoniyat bo'ldi, ammo ulardan foydalana olmadik. Yaqqol golli vaziyatlarni ko'p yarata olmadik. Hujumdan qoniqmadim. Bugun yosh futbolchilar kuchli raqib bilan o'yinda o'zlarini yo'qotib qo'yishmadi. "So'g'diyona"ni ham munosib baholash kerak, ular Superligada ikkinchi o'rindagi jamoa, ularni mag'lub etish ancha qiyin", - dedi Piter Xyuistra.

- Jamoaning CHeranga bog'lanib qolgani sezildi...
- Ha, CHeran jamoamizning asosiy futbolchilaridan biri. Usiz hujumlarimiz yaxshi chiqmadi, keyingi o'yinga u qaytadi. Yosh futbolchilar hujumda harakat qilishdi, ammo keskin vaziyatlar kam bo'lgani rost.

- Eldorbek Suyunov va Piter Xyuistra o'rtasida qandaydir muammo bormi?
- Suyunov bilan hech qanday muammo yo'q, u mavsum boshida tizzasidan jarohat oldi va uni davoladi. Professional tarzda mashg'ulotlarda ishlamoqda. Ammo darvozabonlarni almashtirish anchagina qiyin. Quvvatov hozir juda yaxshi o'ynamoqda va terma jamoada aynan u darvozani qo'riqladi. Suyunov hozir zaxirada o'tiribdi va maydonga tushishga tayyor.

- Derdiyok jamoadan ketdimi?
- Ha, Eren Derdiyok shartnomasi bilan bog'liq muammo chiqqani uchun klubni tark etdi.