Pishur Ukraina TVsiga intervyu berdi va “Bunyodkor”dagi vaziyatdan nolidi

Ko'rsatuv davomida Pishur “Bunyodkor”da o'tkazgan damlari haqida fikr yuritdi va oxirida O'zbekistondagi faoliyatini yakunlab uyga qaytgisi kelayotganini aytib o'tdi.

Ko'rsatuv boshida jurnalist Pishurni kutib oldi va ukrainchasiga salomlashib ortidan o'zbekchasiga “Qalaysiz?” deb qo'ydi. So'ngra o'zbekchani o'rganib oldingmi deb so'raganida Pishur futbol atamalaridan tashqari bazi qo'pol so'zlarni yodlab olganman dedi. QUyida Pishurning aytganlarini keltirib o'tamiz.

Ukrain va o'zbek futboli haqida
-   Ukrainada asosan jismoniy futbol o'ynaladi, O'zbekistonda esa biroz sokin, texnik futbolni maqul ko'rishadi.  

“Bunyodkor”dagi odatlar haqida
-   Har doim o'yindan bir kun oldin kechki ovqatga osh beriladi. Boshida hayron qolgandim, keyin o'rganib ketdim. Kechki mashg'ulotni tugatib qaytganimizda osh allaqachon pishirib qo'yilgan bo'ladi. O'zimizda oshpaz bor va u oshni o'choqda pishiradi.

Milliy valyutamiz haqida
-   Bir gal menga o'zbek so'mida maosh berishgandi. O'shanda xotinim bilan bolam ham men bilan birga edilar. Maoshimni mashinaning bagajida to'rtta qopga joylab mehmonxonaga olib kelishdi. O'shanda buncha ko'p pulni ko'rib qizim hayron qolgandi.

“Bunyodkor”ning “oltin davri” haqida
-   Eto’O, Rivaldo, Skolari kabi mashhur shaxslar kelgan paytlar “Bunyodkor” O'zbekistonning “CHelsi”si bo'lgandi. Eshitishimcha,  o'sha davrlar juda zo'r bo'lgan ekan. Birgina Rivaldoning oila azolariga Braziliyaga uchib ketishayotganda chipta uchun 72 ming dollar to'langan ekan.

Ukrainalik jurnalistlar Toshkentga kelib “Bunyodkor” - “So'g'diyona” bahsidan lavha tayyorlashdi. Bu o'yinda Pishur zaxirada qoldirildi va telekanal xodimlari uning zaxira o'rindig'ida o'tirganini ko'rib hayron bo'lishdi.

“Bunyodkor”dagi muhit haqida:
-   Negadir uyga qaytgim kelyapti, qolaversa, klubdagi vaziyat ham tushunarsiz.