Pioli omadsiz seriya tugaganidan so'ng: "Keyingi mavsumda ECHLda ishtirok etish - yaxshi natija bo'ladi"

"Rossoneri" 7 ta o'yindan iborat g'alabasiz seriyaga barham berdi. 

"Biz bunga qayta tug'ilish kabi qarashimiz lozim. Qiyin bo'lishini, "Torino" yuqori bosim evaziga xotirjam o'ynashga imkon bermasligini bilardik. Ammo biz hujumda ham, himoyada ham qattiq ishladik. 

Goldan so'ng biz yaxshiroq o'ynay boshladik. Bu kichik, lekin kerakli qadam edi. Biz natijaga erishish uchun har kuni ishlayapmiz. So'nggi haftalarda ishimiz yurishmadi. Bundan qayg'uga tushdik. 

Olg'a bosishimiz lozim, keyingi mavsumda ECHLda ishtirok etish yaxshi natija bo'ladi. Ammo barqaror o'ynashimiz lozim", - dedi Pioli.