Paragvay bosh murabbiyi: "Afg'oniston O'zbekiston bilan juda o'xshash"

"Bugun juda kuchli raqibga qarshi juda qiyin o'yin o'tkazdik. Afg'oniston bizga etarlicha boshog'riq bo'la oldi, ayniqsa, hisobda ortda borayotganimizda muvozanatni o'nglash uchun ancha ter to'kdik. Lekin penaltilar seriyasiga tayyorgarlik ko'rgandik. Umuman olganda, bu jamoaga qarshi o'yin qiyin o'tishini oldindan bilardik va shunga yarasha tayyorgarlik ko'rgandik.

Afg'oniston O'zbekiston bilan juda o'xshash jamoa sanaladi. Ikki jamoa ham kurashuvchan, ikki jamoada ham tajribali murabbiylar bor edi va ikkalasiga qarshi qiyinchiliklarga duch keldik. Bugun ham birinchi bo'limda etarlicha muammolarga duch keldik, ammo ikkinchi bo'limda o'yinimizni yaxshilab, natijani o'z tomonimizga og'dira oldik.

Endi keyingi o'yinga tayyorgarlik ko'ramiz. Bo'lg'usi raqibimiz bo'lishi mumkin bo'lgan Franciyaning Eronga qarshi o'yinini muhokama qilmoqchi emasman. Qolaversa, francuzlar Tailandaga qarshi bosh otirishi kerak, chunki Tailand kuchli jamoa, ularning murabbiyi ham o'z sohasining mutaxassisi. SHu bois imkoniyatlarni 50 ga 50 deya baholayman. Biz esa g'olib chiqqan jamoaga qarshi hozirlik ko'ramiz", dedi 48 yoshli mutaxassis.

Eslatib o'tamiz, Paragvay terma jamoasi chorak finalda Tailand — Franciya juftligi g'olibi bilan bellashadi.

Oqil Abdubarnoev suhbatlashdi.