O'zbekiston U-16 termasi murabbiylar shtabi Muangtong stadionini ko'zdan kechirishdi

Bankokdan 50 km uzoqlikda bo'lgan mazkur stadion Osiyo CHempionati o'yinlarini qabul qiladigan ikki stadiondan biri hisoblanadi. Tailand Prpemer-Ligasi vakili Muangtong United klubining uy stadioni hisoblangan mazkur o'yingoh 15 ming kishiga mo'ljallangan.

Mazkur stadionda U-16 o'smirlar o'rtasidagi Osiyo CHempionati A va S guruhlaridagi barcha o'yinlar o'tkaziladi.

Takidlash joiz, O'zbekiston U-16 o'smirlar terma jamoasi guruh bosqichi uchrashuvlarining barchasini mazkur stadionda o'tkazadi. Aleksandr Mochinov bosh murabbiyligidagi O'zbekiston U-16 o'smirlar terma jamoasi guruh bosqichida Nepal, KXDR va Kuvayt o'smirlar terma jamoalariga qarshi o'ynaydi. O'zbekiston U-16 o'smirlari guruh bosqichidagi ilk o'yinini 7 sentyabr kuni Nepal o'smirlar terma jamoasiga qarshi o'tkazadi.

Malumot o'rnida, U-16 o'smirlar o'rtasidagi OCH bahslariga 6 sentyabr kuni start beriladi. Musobaqani 6 sentyabr kuni Janubiy Koreya va Ummon o'smirlar terma jamoalari o'zaoo o'yin bilan boshlab berishadi. Osiyo CHempionati guruh o'yinlari taqvimi haqida avvalroq xabar bergan edik.