O'zbekiston U-16 o'smirlari Osiyo CHempionatidan oldin Malayziyada yig'in o'tkazadi

Ushbu yig'in davomida, terma jamoa bosh murabbiyi Aleksandr Mochinov Osiyo CHempionatiga boradigan tarkibning o'zagini aniqlab olishni rejalashtirgan.

O'FF Terma jamoalar markazi malumotiga ko'ra, O'zbekiston U-16 o'smirlar terma jamoasi Osiyo CHempionati oldidan so'nggi yig'inini Malayziyada o'tkazadi. 24 avgust kuni Malayziyaga jo'nab ketadigan O'zbekiston U-16 o'smirlar terma jamoasi yig'in davomida 26-28 avgust kunlari Malayziya o'smirlar terma jamoasiga qarshi ikkita o'rtoqlik o'yinini o'tkazadi.

Malayziyadagi yig'in 31 avgust kunigacha davom etadi va terma jamoa Malayziyadan to'g'ri Osiyo CHempionatida ishtirok etish uchun Tailandga yo'l oladi.

Eslatib o'tamiz, Tailandda bo'lib o'tadigan U-16 o'smirlar o'rtasidagi Osiyo chempionati 6-20 sentyabr kunlari bo'lib o'tadi. Aleksandr Mochinov bosh murabbiyligidagi O'zbekiston o'smirlar terma jamoasi musobaqaning guruh bosqichida Nepal, Kuvayt va KXDR o'smirlar terma jamoalariga qarshi o'ynaydi.

U-16 Osiyo CHempionati.
 Bangkok, Tailand.
 S guruhi.
 O'zbekiston
 Nepal
 Kuvayt
 KXDR