O'zbekiston U-16 hamda U-19 terma jamoalari xalqaro turnirda ishtirok etadilar
04 avg 2015 18:11
Yangiliklar
![](https://championat.asia/upload/storage/178620_original.jpg)
![](/upload/storage/178620_220.jpg)
O'zbekiston U-16 hamda U-19 terma jamoalari xalqaro turnirda ishtirok etadilar
Jasur Abduraimov boshchiligidagi O'zbekiston U-19 yoshlar terma jamoasi 4 avgust kuni Toshkentda yig'inga kirishadi va ikki kunlik mashg'ulotlardan so'ng Yaponiyaning Xirosima shahriga uchib ketadi.
Mazkur turnirda O'zbekiston yoshlar terma jamoasi Xirosima shahri terma jamoasi (U-19), Polsha (U-19) hamda Yaponiya (U-19) terma jamoalariga qarshi o'yinlarda maydonga tushadilar. Mazkur turnir o'yinlar 7 avgustdan 13 avgust kunigacha bo'lib o'tadi.
O'zbekiston U-16 o'smirlar terma jamoasi 5 avgust kuni Toshkentda yig'inga kirishadi va 7 avgust kuni xalqaro turnirda ishtirok etish uchun Xitoyga jo'nab ketadi. Temur Olimxo'jaev bosh murabbiyligidagi O'zbekiston o'smirlar terma jamoasi mazkur turnirda Xitoy hamda Mo'g'uliston U-16 o'smirlar terma jamoalariga qarshi o'yinlarda maydonga tushadi.
Eslatib o'tamiz, O'zbekiston U-19 yoshlar terma jamoasi 26 sentyabr - 6 oktyabr kunlari Bangladeshda bo'lib o'tadigan U-19 yoshlar o'rtasidagi Osiyo CHempionati saralash bahslarida ishtirok etishadi.
O'zbekiston U-16 o'smirlar terma jamoasi esa Falastinda bo'lib o'tadigan U-16 o'smirlar o'rtasidagi OCH saralashida qatnashadilar.
O’xshash yangiliklar
![AMP Logo](https://championat.asia/image/logo-amp.png)
Fikrlar