O'zbekiston terma jamoasi legionerlari qachon Toshkentga etib kelishadi?
02 okt 2019 12:49
Yangiliklar
![](https://championat.asia/upload/storage/521277_original.jpg)
![](/upload/storage/521277_220.jpg)
O'zbekiston terma jamoasi legionerlari qachon Toshkentga etib kelishadi?
Vadim Abramov mazkur yig'inga 5 nafar legionerni chaqirgan. Xorijda o'ynayotgan futbolchilarimiz terma jamoa qachon ixtiyoriga etib kelishlari haqida so'z yuritamiz.
"SHanxay SIPG" 22 sentyabr kuni Xitoy Superligasi doirasida "Xenan Czyanie"ni 2:1 hisobida mag'lub etgan edi. SHundan keyin klub qisqa muddatli tatilga chiqdi. Sababi navbatdagi o'yinni shanxayliklar 19 oktyabr kuni o'tkazishadi. Odil Ahmedov terma jamoa yig'iniga legionerlar orasida birinchilardan bo'lib etib kelishi kutilmoqda.
BAA pro-ligasi ishtirokchisi "SHarja" klubi 3 oktyabr kuni o'z maydonida "Al Ayn"ni qabul qiladi. Aynan mana shu o'yinni o'tkazganidan keyin Otabek SHukurov Toshkentga etib keladi.
Janubiy Koreyaning "Seul" jamoasi 6 oktyabr kuni safarda "Suvon Samsung Blyuvingz" mehmoni bo'ladi. Ikrom Aliboev mana shu o'yinda qatnashganidan keyin yurtimizga uchib kelishi kutilmoqda.
Janubiy Koreya birinchi ligasida ishtirok etayotgan "Gvangju" klubi 6 oktyabrda safarda "Asan Mugungxva"ga qarshi o'ynaydi. Rustam Ashurmatov shu o'yinni o'tkazib terma jamoa ixtiyoriga etib keladi.
Rossiya premer-ligasi vakili "Rostov" 6 oktyabr kuni Moskvada CSKA bilan o'ynaydi. Terma jamoamiz etakchilaridan biri Eldor SHomurodov mana shu bahsda qatnashib keyin Toshkentga uchib keladi.
Eslatib o'tamiz, O'zbekiston terma jamoasi 10 oktyabr kuni Toshkentda Yaman, 15 oktyabrda safarda Singapur bilan o'ynaydi.
O’xshash yangiliklar
![AMP Logo](https://championat.asia/image/logo-amp.png)
Fikrlar