O'zbekiston o'smirlar terma jamoasi BAA bilan o'rtoqlik uchrashuvi o'tkazadi
24 apr 2016 20:27
Yangiliklar
![](https://championat.asia/upload/storage/205960_original.jpg)
![](/upload/storage/205960_220.jpg)
O'zbekiston o'smirlar terma jamoasi BAA bilan o'rtoqlik uchrashuvi o'tkazadi
Temur Olimxo'jaev boshchiligidagi terma jamoa may oyining ilk haftasida o'zining navbatdagi o'quv-mashg'ulot yig'iniga kirishadi. Dubay shahrida bo'ladigan ushbu yig'in doirasida o'zbekistonlik o'smirlar Birlashgan Arab Amirliklari o'smirlar terma jamoasiga qarshi ikkita nazorat uchrashuvi o'tkazish bo'yicha kelishuvga erishilgan.
O'rtoqlik ucharshuvlarining dastlabkisi 5 may kuni bo'lib o'tsa, ikkinchi o'yin 7 may sanasiga rejalashtirilgan. Har ikki o'yin Toshkent vaqti bilan 18:05da start oladi.
Takidlash kerakki, Temur Olimxo'jaev boshchiligidagi ushbu terma jamoa qita chempionatiga tayyorlarlik doirasida Toshkentda ikki bor yig'in o'tkazib ulgurdi. Dastlab jamoa “Sport for tomorrow” turnirida ishtirok etib, Yaponiya, Eron hamda Turkmaniston terma jamoalariga qarshi o'yinlar o'tkazgan bo'lsa, ikkinchi yig'in davomida Polsha o'smirlariga qarshi ikki nazorat o'yinida maydonga tushdi.
Malumot uchun, 16 yoshgacha bo'lgan futbolchilar o'rtasidagi Osiyo chempionati 2016 yilning 15 sentyabr – 2 oktyabr sanalari davomida, Hindistonda bo'lib o'tadi. Unda Osiyoning 16 mamlakati o'smirlari ishtirok etadi.
Ushbu turnir saralash bahslari davomida Temur Olimxo'jaev boshchiligidagi terma jamoa Maldiv (8:0), Falastin (6:0) hamda Yaman (5:2) jamoalari ustidan g'alaba qozonib, “A” guruhi g'olibi sifatida qita birinchiligiga yo'l olgandi.
O’xshash yangiliklar
![AMP Logo](https://championat.asia/image/logo-amp.png)
Fikrlar