O'zbekiston olimpiya terma jamoasining Toshkentdagi yig'ini nihoyasiga etdi

Ravshan Haydarov murabbiyligidagi O'zbekiston olimpiya terma jamoasi vakillari yig'in davomida kuniga ikki martadan mashg'ulotlarda ishtirok etib, murabbiylardan turli nazariy hamda taktik ko'rsatmalar olishdi.  

Ushbu yig'inni tashkil etishdan asosiy maqsad olimpiya terma jamoasiga nomzod futbolchilarni sinovdan o'tkazish hamda 2020 yilda Tokioda bo'lib o'tadigan olimpiadaga munosib tayyorgarlik ko'rishdan iborat.

Kecha Olimpiya terma jamoasi vakillari “Jar” stadionida “Paxtakor” jamoasining aralash tarkibiga qarshi nazorat uchrashuvida maydonga tushib, 3-2 hisobida g'alabaga erishdi. Nazorat uchrashuvida murabbiylar shtabi futbolchilarning maydondagi harakatlariga baho berib, ularning funkcional holatlarini sinovdan o'tkazish imkoniyatiga ega bo'lishdi.