O'zbekiston - "Navbahor" 5:1. MATNLI TRANSLYACIYA

O'zbekiston - "Navbahor" 5:1
Bosh hakam: Aziz Asimov
Gollar: SHaxzod Nurmatov 15, Navro'z Olimov 51, 84, Akbar Sattaev 58 avtogol, Alibobo Rahmatullaev 69  - Ruslan Kachur 12

O'zbekiston: Eldor Suyunov, Egor Krimec, Javlon Mirabdullaev, Dilshod Jo'raev, Sardor Rashidov, Vladimir Kozak, Azamat Isroilov, Akbar Ismatullaev, SHahzod Nurmatov, Jamshid Iskanderov, Igor Sergeev.
Zaxiradan tushganlar: Abdulkarim Muhammedo, Diyor Turopov, Ulug'bek Dadaboev, Farruh Sayfiev, Sardor Mirzaev, Sardor Rahmonov, Pavel Smolyachenko, Azim Ahmedov, SHerzod Fayziev, Bobur Yo'ldoshev, Salim Mustafoev, Navro'z Olimov, Alibobo Rahmatullaev, Sardor Sobirxo'jaev.

"Navbahor": Doniyor Usmonov, Dilshod Jabborov, Rahmatillo Berdimurodov, Tohir SHamsiddinov, Yuriy Rijko, Otabek Valijonov, Bobur Akbarov, Aliev, Baxtiyor Yoqubov, Ruslan Kachur, Kablash.
Zaxiradan tushganlar: Xurshid Xodjaev, Akbar Sattaev, Mansur Saidov, Robbim Hasanov, Alisher Samatov, Alisher Mahmudov, Ilhom Boydedaev, Elyor Jahonov.


                           MATNLI TRANSLYACIYA
                                     YANGILASH

Bizni kuzatib borgan barchaga rahmat. Kamchiliklar uchun barchadan uzr so'raymiz.

O'yin yakunlandi. Terma jamoa yirik g'alabaga erishdi. Navbatdgi uchrashuv 24 iyul kuni "Metallurg"ga qarshi bo'lib o'tadi.

90+2. Dastlab Alibobo, so'ngra Smolyachenko darvozaga zarba berdi, ikkala safar ham himoyachilar to'pni qaytarishdi.

87. Sardor Rahmonov va Navro'z Olimov o'zini yaxshi tomonlama ko'rsata olishmoqda

85. Sayfiev bir harakat bilan Smolyachenkoni oldinga tashladi, Pasha esa zarba berish o'rniga to'pni yonidagi Aliboboga oshirdi, Rahmatullaev to'pni yo'qotdi vaziyat boy berildi.

84. GOL! Yana Sardor Rahmonov o'ng qanotdan bu safar erlatib pas berdi. Bu vaziyatda Navro'z Olimov o'zini ko'rsatdi - 5:1.

83. Ikkala jamoa safida o'zgarish bo'ldi. Terma jamoa safida Pavel Smolyachenko, "Navbahor" safida Muhammad Rasulov tushdi.

75. "Navbahor" legioneri Kablash maydonda yotibdi. Unga shifokorlar yordam ko'rsatishdi. O'yin davom etadi. Futbolchi maydonga qaytdi

69. GOL! Sardor Rahmonov o'ng qanotdan to'pni jarima maydoniga oshirdi. Alibobo Rahmatullaev to'pni darvozaga yo'lladi - 4:1.

67. Alibobo to'pni Sayfievga, Farrux esa Mirzaevga to'pni oshirdi. Sardorning zarbasi yo'liga himoyachi g'ov bo'ldi.

65. Alisher Mahmudov 32 metrlardan jarima to'pini amalga oshirdi. Mansur Saidov va Kachur bir biriga ishonib qoldi. Natijada Bobur Yo'ldoshev xavfni bartaraf etdi

63. "Navbahor" futbolchilari tashabbusga erishishmoqda.

61. Maydonga "Navbahor" safida uchta yangi o'yinchi tushdi. Bular: Alisher Mahmudov, Ilhom Boydedaev, Elyor Jahonov.

58. GOL! Azim Ahmedov qanotdan to'pni darvozaga yo'lladi, Sattaevga tekkan to'p darvozadan o'rin oldi - 3:1

Alibobo Raxmatullaev to'pni juda qulay tarzda Olimovga tashlab berdi. Navro'z esa imkoniyatni ko'kka sovurmadi.

51. Goool, 2:1. Navro'z Olimov.

47. Zahiradan tushgan Mansur Saidov 2 raqibni aldab o'tayotganda uni chalib yiqitishdi.

Ikkinchi bo'lim boshlandi.

Terma jamoa tarkibida birinchi bo'limda o'ynaganlar maydon cheti bo'ylab yugurishni boshlab yuborishdi.

46. Doniyor Usmonov o'rniga Xurshid Xodjaev tushdi

Birinchi bo'lim yakunlandi. Hozircha 1:1.

45+4. Birinchi bo'limdagi so'nggi vaziyat "Navbahor"da bo'ldi. Lekin, ular burchak zarbasidan unumli foydalana olishmadi.

45+2. Sardor Rashidovning zarbalari "chiqmayapti". Yana tepaga tepdi.

45. Bir vaqtda ikkita o'yinchi maydonda "cho'zilgan". Terma jamoadan Azamat Isroilov, namanganliklardan esa Otabek Valijonov yotibdi. Har ikkisi ham o'yinga qaytdi.

43. Kozak chap tomondan kirib borib tepdi, Usmonov o'z o'rnida.

Bu orada Mirabdullaev o'rniga Diyor Turopov tushirildi.

41. Jamshid Iskanderov o'rniga Ulug'bek Dadaboev maydonga tushirildi.

40. Sardor Rashidov ham o'z zarbasi bilan qo'shni maxallani aylanib keldi.

39. Aftidan Iskandarovning nafasi qisayotganga o'xshaydi, u o'zgartirishlarini so'radi.

"Navbahor" bosh murabbiyi terma jamoa murabbiylari bilan birga o'tiribdi, u Mirjalol Qosimovning yordamchilaridan biri. Namanganliklarga esa Ashurmatovning yordamchilari ko'rsatma berib turishibdi.

36. Dilshod Jo'raevning uzoqdan yo'llagan zarbasi yuqoridan ketdi.

35. O'yindagi ustunlik terma jamoa tarafida.

34. O'ng qanotdan kirib borayotgan Toxir SHamsitdinovni Nurmatov chalib yiqitdi. Berdimurodov esa jarimani hov narigi maxallaga tepib yubordi.

Ruslan Kachur o'yinni davom ettirishini bildirdi.

29. Sardor Rashidov 25 metrlardan belgilangan jarimani amalga oshirdi. Erlatib tepilgan to'pni Kachur qaytarib yubordi. O'zi esa zarba kuchidan kichik jarohat oldi.

27. Bosh hakam Aziz Asimov futbolchilarga suv ichib olishga ruxsat berdi.

23. SHaxzod Nurmatovning 20 metrlardan bergan kuchli zarbasini Doniyor Usmonov qiyinchilik bilan qaytarib yubordi. Qaytgan to'pga esa Azamat Isroilov noaniq zarba berdi.

Mirjalol Qosimov "Olmaliq" azosi Diyor Turopovga mashq qilishga ko'rsatma berdi, aftidan bosh murabbiy kimningdir o'yinidan qoniqmayapti.

22. Iskanderovning uzun pasiga hech kim etib bora olmadi.

20. Otabek Valijonov 22 metrlardan zarba berdi, ancha yuqoridan ketdi.

19. Burchakdan uzatib berilgan to'pga Kozak bosh bilan zarba berdi, biroz yuqoridan o'tib ketdi.

18. Otabek Valijonov o'ng qanotdan kirib borayotgan Azamat Isroilovni chalib yiqitdi. Jarima esa samarasiz.

15. Goool, SHaxzod Nurmatov hisobni tenglashtirdi. "Metallurg" hujumchisi ikkita raqibni ham, darvozabonni ham chalg'itib gol urdi.

12. Goool, "Navbahor" hisobni ochdi. Gol muallifi Ruslan Kachur - 0:1.

9` Azamat Isroilov o'ng qanot bo'ylab kirib bordi va to'pni jarima maydonchasi ichiga tashlab berdi. Ammo to'pga hech kim etib kela olmadi.
 
6` To'pni ko'proq O'zbekiston terma jamoasi o'zida ushlab turibdi.

4` CHap qanotdan uyushtirilgan hujum samarasiz yakunlandi. Sardor Rashidov bu vaziyatda faollik ko'rsatgan edi.

2` Vladimir Kozakning faolligi sal bo'lsa gol bo'lishini taminlashi mumkin edi. Uning yo'llagan zarbasi darvozani tashqari tomonidan bordi. XAVFLI VAZIYAT!

Uchrashuv boshlandi!

- Uchrashuv soat 19:00da "Jar" stadionida boshlanadi.