O'zbekiston kubogi. "Qizilqum" "Orol" bilan o'ynaydi

Ammo bu futbolchilar dam oladi, degani emas. 24 va 29 mart kunlari O'zbekiston milliy terma jamoasi 2018 yili bo'ladigan jahon chempionati Osiyo mintaqasi saralash bosqichida navbatdagi o'yinlarni o'tkazadi. Unda hamyurtlarimiz dastlab Filippin futbolchilari bilan kuch sinashsa, so'ngra bahraynliklar bilan kechadigan bahsdan so'ng ikkinchi bosqich uchrashuvlarini yakunlashadi.

Milliy chempionatda yuzaga kelgan qisqa tanaffusdan unumli foydalanish maqsadida O'zbekiston Professional futbol ligasi mamlakat kubogi dastlabki bosqich va 1/16 final o'yinlarini o'tkazishni rejalashtirgan. Jumladan, musobaqaning bir uchrashuvdan iborat o'tish bosqichi 14 mart kuni bo'lib o'tdi. Unda quyidagi hisoblar qayd qilindi:

“Yozyovon lochinlari” (Yozyovon) – “Norin” (Haqulobod) - 2:0

“Orol” (Nukus) – “Xorazm” (Urganch) - 2:1

“Xotira-79” (Uychi) – “Kosonsoy” (Kosonsoy) - +:-

“Nurafshon” (Buxoro) – “G'ijduvon” (G'ijduvon) - 2:1

“Nasaf-2” (Qarshi) – “Mashal-2” (Muborak) - 1:1 (asosiy vaqtda – 0:0, qo'shimcha bo'limlarda - 1:1, pen. bo'yicha - 1:3).

“Paxtakor-2” (Toshkent) – “Lokomotiv BFK” (Toshkent) - 1:0.

Taqvimga muvofiq, O'zbekiston kubogi 1/16 final uchrashuvlari 18 mart - 20 mart kunlari bo'lib o'tadi. 

O'zbekiston kubogining mazkur bosqich bahslari ham bir uchrashuvdan iborat. Musobaqa nizomiga ko'ra, 1/8 final bosqichidan boshlab, uchrashuvlar uy - safar tizimi asosida uyushtiriladi.

Eslatib o'tamiz, agar Navoiyning “Qizilqum” jamoasi ushbu bosqichda “Orol” futbolchilarini mag'lubiyatga uchratsa, quraga ko'ra 1/8 finalda "Zomin" (Zomin) – "Andijon" (Andijon) juftligi g'olibiga qarshi maydonga tushadi.