O'zbekiston chempioni va kubogi sohiblarining yangi yil tabrigi

O'tib borayotgan yilda “qaldirg'ochlar” O'zbekiston chempionatida g'olib chiqishib, o'z tarixida beshinchi marotaba chempionlik shohsupasiga ko'tarilishdi. Mamlakat kubogi bahslarida ham “Bunyodkor”ga teng keladigan raqib topilmadi. SHuningdek, yoshlarimiz klubning poydevori mustahkam ekanligini amalda isbotlashib, yoshlar ligasi g'olibligini qo'lga kiritishdi. Undan tashqari, futbol maktabimiz va jamoamiz faxriylari o'zlari ishtirok etgan turnirlarda bosh sovringa ega chiqishdi.

Endi bu natijalar tarixda qoldi. “Bunyodkor” yangi yilda ham yangidan-yangi marralarni zabt etishga harakat qiladi. 2014 yildagi eng asosiy vazifa bu – Osiyo CHempionlar ligasi turniri bosh sovrinin mamlakatimizga olib kelishdir.
Bu maqsad yo'lida “Bunyodkor” futbol klubining ahil jamoasi doimo izlanishda. O'ylaymizki, 2014 yilgi futbol mavsumi ham “qaldirg'ochlar” uchun muvaffaqiyatlarga boy yil bo'ladi.

“Bunyodkor” FK raxbariyati, murabbiylar shtabi, futbolchilar va klubning barcha xodimlari Siz azizlarni kirib kelayotgan 2014 yil bilan samimiy muborakbod etadi.

Yangi yilda sihat-salomatlik, baxt-saodat, faoliyatingizda yangi muvaffaqiyatlar, ezgu orzularingiz ro'yobga chiqishini tilaymiz!

“Bunyodkor” futbol klubi