O'tkir Yusupov: “Iskanderovning maydondan chetlatilgani bizga katta yordam berdi”

Uchrashuvdan so'ng “Neftchi” jamoasi darvozaboni O'tkir Yusupov o'z fikrlarini bildirdi.

“Obod” jamoasiga qarshi safardagi o'yinda mag'lub bo'lganimiz uchun muxlislar ko'z o'ngida yuzimizni yorug' qilish uchun “Paxtakor” klubini mag'lub etishimiz kerak edi. Murabbiylarimizning bergan ko'rsatmalarini maydonda bajarishga harakat qildik. Yaxshi hamki 3 ochkoni qo'lga kiritdik. G'alaba, jamoaviy o'yin va ishtiyoq evaziga qo'lga kiritildi.

To'g'ri Jamshid Iskanderov qizil kartochka olib maydonni tark etdi. Iskanderov juda kuchli futbolchi, uning o'rni “Paxtakor”da bilinib turadi. Bekorga milliy terma jamoaga chaqirilmadi. Uning maydondan chetlatilgani bizga juda katta yordam berdi”, - deydi “Neftchi” jamoasi darvozaboni O'tkir Yusupov.

Jahongir Sotvoldiev