Oston O'runov: "SHifokorlar 4 oyga safdan chiqqanimni aytishgandi"

- Murabbiyimizning ko'rsatmalarini yaxshi bajarganimiz uchun o'yinni unchalik qiyin o'tdi deb ayta olmayman. SHu boisdan biz g'alabaga erishdik.

- Bunday issiq havoda o'ynash qiyin emasmi?
- Ha, qiyin. Ammo biz shunga majburmiz.

- Jizzaxdagi mag'lubiyatdan keyin jamoani o'ziga keltirish uchun qanday o'zgarishlar qilindi?
- O'yin davomida ko'plab vaziyatlardan foydalana olmagandik. SHu boisdan Jizzaxdagi mag'lubiyatni tasodif desa ham bo'ladi. Endi buyog'iga g'alabalar uchun ko'plab gollar urishga harakat qilamiz.

- Mavsum boshlanishidan oldin sizda jarohat bor deyishgandi. SHu gaplarga aniqlik kiritsangiz.
- 4 oy jarohat bilan o'ynadim. O'shanda jarohatlanganimda shifokorlar 4 oyga safdan chiqqanimni aytishgandi. Hozir esa ancha yaxshiman. O'yin payti baribir biroz og'riq sezilmoqda. Og'riqlar o'tib ketganidan keyin yanada kuchliroq bo'lib qaytaman.

Fursatdan foydalanib, aytib o'tsam, namanganlik muxlislardan minnatdorman. Garchi boshqa jamoa tarkibida o'ynasam ham ular har bir o'yindan oldin mening telefonimga xabarlar yozib, omad tilashmoqda.