O'rtoqlik o'yini. Biz bilan durang o'ynagan Senegal Janubiy Koreyadan ustun keldi
11 iyu 2018 23:53
Yangiliklar

O'rtoqlik o'yini. Biz bilan durang o'ynagan Senegal Janubiy Koreyadan ustun keldi

JCH-2018 final bosqichiga tayyorgarlik ko'rayotgan Senegal va Janubiy Koreya terma jamoalari o'zaro o'rtoqlik uchrashuvida maydonga tushishdi.

Avstriyaning Gryoding shahridagi “Untersberg-Arena”da o'tgan uchrashuvda afrikaliklar 2:0 hisobida zafar quchishdi. Avvaliga 67-daqiqada En Gvon Kim o'z darvozasini ishg'ol qilib, mehmonlarni hisobda oldinga olib chiqdi.

Asosiy vaqtga qo'shib berilgan daqiqalarda esa Mussa Konate belgilangan penaltini golga aylantirib, o'yindagi yakuniy hisobni o'rnatdi - 2:0.

Malumot uchun, 23 mart kuni O'zbekiston bilan durang (1:1) o'ynagan Senegal terma jamoasi mundialning H guruhida Polsha, Kolumbiya va Yaponiyaga qarshi bahs olib boradi. Janubiy Koreya esa Germaniya, Meksika va SHveciya terma jamoalariga qarshi maydonga tushadi.

Havola :

Yangiliklarni Telegramda o'qing!

Reyting: -13