Orif Mamatkazin: “Andijon xalqini uzoq kutilgan g'alaba bilan tabriklayman"

"Andijon xalqini g'alaba bilan tabriklayman. O'yin natijasi adolatli bo'ldi hisoblayman. Bosh maqsadimiz nima bo'lsa ham natijaga erishish edi. Birinchi bo'limda ikki marta gol urib oldik. So'ngra biroz ehtiyotkorroq o'ynadik.

Ikkinchi bo'limda jamoa himoyada yaxshi o'ynab uzoq kutilgan g'alabani qo'lga kiritdi. Yigitlarga alohida rahmat aytmoqchiman.

Sergey SHevchenko hali rasman "Andijon" bosh murabbiyi emas. SHu bois matbuot anjumanlariga men kirayapman.

O'tgan turda muxlislarimiz Toshkentdagi o'yinda bizni ajoyib tarzda qo'llab turishdi. Men bu haqda matbuot anujmanida alohida takidlab o'tgandim. Ammo OAV bu haqda yozmadi, bu meni aybim emasku.

Lochin Soliev borasida nima deya olaman? To'g'ri u hujumchi va gol urishi kerak, o'z ustida ishlashda davom etadi. To'g'risi bunday havoda futbol o'ynash juda og'ir.

Hozir biz uchun har bir ochko oltinga teng. SHu bois natijadan ko'nglim to'ldi", - deydi Orif Mamatkazin.