"Olmaliq": Yoshlar jamoasi tayyorgarlik jarayoni

Birinchi davra yakuniga ko'ra 11-o'rinda turgan yoshlarimiz, mavsumni qolgan qismida yaxshiroq natijaga erishishni maqsad qilgan. Yil boshida jamoa ro'yxatidan o'tgan Abdulaziz Jo'raboev, Maksim Kriushev, Suxrob Rahmonov, Aziz To'xtamatovlar bilan tuzilgan shartnomalar bekor qilindi. Abdumalik Toshpo'latov va Dadaxon Yusupov mavsum oxiriga qadar birinchi liganing "Xorazm" jamoasiga ijaraga berildi.

Ayni vaqtda bo'sh o'rinlar munosib nomzodlar bilan to'ldirilmoqda.
Yoshlar jamoamiz bugun Toshkent viloyati "Do'stlik" stadionida "Lokomotiv BFK" jamoasi bilan kuch sinashdi. O'yinda 1:1 hisobida durang qayd etildi. Jamoamizdan golni penaltidan Qadamboy Nurmetov kiritdi. Bungacha yoshlarimiz "Lokomotiv" yoshlar jamoasi bilan ham bahs yuritishgan va 3:2 hisobida g'alaba qozonishgandi. Temiryo'lchilar darvozasini Timur Ergashev ikki marta ishg'ol etgan va yana bir gol Farhod Imomov hisobiga yozilgan.

Yoshlar jamoamiz ertaga bekobodlik tengqurlari bilan navbatdagi nazorat o'yinini o'tkazishadi. Bu uchrashuv Bekobod shahrida bo'lib o'tadi.