Oliy liga. Uyda yutqazmayotgan va safarda g'alaba qozonmayotgan jamoalar bahsi
10 iyu 2016 15:15
Yangiliklar
![](https://championat.asia/upload/storage/211050_original.jpg)
![](/upload/storage/211050_220.jpg)
Oliy liga. Uyda yutqazmayotgan va safarda g'alaba qozonmayotgan jamoalar bahsi
Oliy liga taqvimidan bugun to'rtta uchrashuv o'rin olgan. SHulardan biri Bekobod shahrida bo'lib o'tadi va bunda "Metallurg" "Andijon"ni qabul qiladi.
Oliy liga, 11-tur.
METALLURG - ANDIJON
Boshlanish vaqti: 18:00
Hakam: Rustam Bobomurodov (Navoiy)
Turnir jadvalidagi o'rni: "Metallurg" 4-o'rinda (20 ochko), "Andijon" 12-o'rinda (9 ochko)
Ochkolar orasidagi farq - 11.
Tarif: Mazkur uchrashuvga o'z maydonida yutqazmayotgan va safarda g'alaba qozona olmayotgan jamoalar qarama-qarshiligi tarifini bersak bo'ladi. Negaki, "Metallurg" uydagi barcha o'yinlarda g'alaba qozondi, "Andijon" esa safarda hali g'alaba nashidasini surgani yo'q. Bugungi o'yindagi imkoniyatlar borasida "Metallurg"niki yuqori deya olamiz. Ammo "Andijon" ham qarab turmasa kerak.
Fakt: O'z maydonida beshta o'yin o'tkazgan "Metallurg" hammasida zafar quchdi. "Metallurg"ning uydagi uchrashuvlarda to'plar nisbati 11-5. "Andijon" ham safarda beshta uchrashuvda maydonga tushib, barchasida mag'lub bo'ldi. "Andijon"ning safar bellashuvlaridagi to'plar nisbati 4-13.
Eslatma: Kecha bo'lib o'tgan "Metallurg" - "Andijon" (Yoshlar ligasi) bahsida maydon egalari 3:0 hisobida zafar quchishdi.
O’xshash yangiliklar
![AMP Logo](https://championat.asia/image/logo-amp.png)
Fikrlar