Oliy liga-2016. "Buxoro" o'yinlariga eng ko'p tomoshabin keldi
25 noy 2016 15:10
Yangiliklar

Oliy liga-2016. "Buxoro" o'yinlariga eng ko'p tomoshabin keldi

Yakuniga etgan 2016 yilgi oliy liganing statistik malumotlari bilan tanishtirishda davom etamiz.

Bu mavsumda bo'lib o'tgan 240ta o'yinga stadionlarga jami 1117664 tomoshabin keldi. Bu har bir bahsga o'rtacha 4657 muxlis keldi deganidir.

Tomoshabin to'plash borasida "Buxoro" klubiga teng keladigani topilmadi. Ushbu jamoaning ishtirokidagi 30ta o'yinga jami 329108 nafar tomoshabin kelgan. Bu o'rtacha har bir uchrashuvga 10970 tomoshabin deganidir.

Keyingi o'rinlarni 192402 natija bilan "Qizilqum" va 160396 natija bilan "Andijon" jamoalari egallashdi.

Eng kam tomoshabinga ega jamoa bu oliy liga debyutanti "Obod" bo'ldi. Toshkent klubi ishtirokidagi 30ta o'yinga 78153 tomoshabin tashrif buyurgan. Har bir o'yinga o'rtacha 2605 tomoshabin to'g'ri keldi.

Agar faqat uy o'yinlarini inobatga olsak ham "Buxoro" yakka peshqadam. Bu jamoaning 15ta uy o'yiniga 262966 muxlis kelgan (har bir o'yinga o'rtacha 17531 tomoshabin).

Uy o'yinlarida "Qizilqum"ning 142768 (o'rtacha 9518) va "So'g'diyona"ning muxlislari 91370 (o'rtacha 6091) boshqalarinidan ko'proq. "Bunyodkor"ning o'z maydonidagi 15ta uchrashuviga jami 15539 tomoshabin kelgan. Bu degani "qaldirg'ochlar" ishtirokidagi har bir uy o'yiniga o'rtacha 1036 muxlis kelgan.