Oliy liga-2015 yakunlari. "Andijon" haqida

Bugun Andijonning "Andijon" klubi haqida malumot beramiz.

Mavsum
"Burgutlar" 2015 yilgi mavsumni ketma-ket 3ta mag'lubiyat bilan boshlashdi. Faqat beshinchi turga kelibgina jamoa g'alabaga erishdi. Birinchi davrada 3ta g'alaba va 2ta durang qayd etgan "Andijon" 11 ochko bilan yozgi tanaffusga 14-pog'onada chiqib ketdi. Ikkinchi davrada jamoa Farg'onada "Neftchi"ni mag'lub eta oldi. O'z maydonida "Dinamo" bilan durangga erishgan "burgutlar" oliy ligada qolish vazifasini uddalashdi. Yakunda vodiy klubi oliy ligada 13-o'rinni egalladi.

Murabbiylar
Mavsum davomida "Andijon"ni ikki murabbiy boshqarib bordi. Dastlabki 20ta o'yinda jamoa bilan Edgar Gess ishlagan bo'lsa, oxirgi 10ta uchrashuvda Sergey Kovshov bosh murabbiy bo'ldi. Gess 20-turda "Buxoro" bilan o'yindagi mag'lubiyatdan so'ng istefoga chiqarildi. O'sha paytda "burgutlar" 15-o'rinda borishayotgandi. Sergey Kovshov kelgach jamoa 10ta o'yinda 4ta g'alaba 2ta durang qayd etdi. Qizig'i Gess davridagi 20ta uchrashuvda ham 4ta g'alaba va 2ta durang qayd etgandi.

Etakchi
Ibrohim Otaxonov. Tajribali yarim himoyachi mavsum davomida jamoaning haqiqiy etakchisi bo'ldi. 24ta o'yinda maydonga tushgan Otaxonov raqiblar darvozasiga 3ta to'p kiritishning uddasidan chiqdi. Futbolchi o'yinga juda ham berilib ketishi bilan ajralib turadi. SHu bois mavsum davomida u 11ta sariq kartochka oldi.

Kashfiyotlar
Javlon Guseynov. Bir necha yil oldin "Neftchi"da o'ynagan, so'nggi yillarda birinchi liga klublarida faoliyat olib borgan Javlon Guseynov oliy ligada ikkinchi yoshligini o'tkazdi. Jamoaga 2-tur oldidan kelib qo'shilgan Guseynov 29ta o'yinda maydonga tushdi. Aynan u "Andijon" safida eng ko'p uchrashuv o'tkazgan futbolchiga aylandi.

Eng yaxshi o'yin
"Neftchi" - "Andijon" 0:1.
26-turda Farg'onada "Neftchi" va "Andijon" o'rtasidagi vodiy derbisi bo'lib o'tdi. Bu o'yinga qadar Farg'onada bu jamoalar o'rtasida bo'lib o'tgan 21ta o'yinning 20tasida "Neftchi" g'olib bo'lgan, faqat bir marta "Andijon" safardan durang bilan qaytgandi. 2015 yilda "burgutlar" tarixiy g'alabani qo'lga kiritishdi. "Neftchi"ning sobiq hujumchisi Anvar Berdiev tomonidan urilgan gol "Andijon"ga g'alaba keltirdi - 1:0.

Eng yaxshi futbolchi
Anvar Berdiev. Faxriy hujumchi birinchi davrani "Bunyodkor"da o'tkazdi. Yozda "Andijon"ga ko'chib o'tib o'zini yorqin tomonlama ko'rsata oldi. Hujumchi "burgutlar" tarkibida 11ta o'yinda maydonga tushib 7ta gol urishning uddasidan chiqdi. "So'g'diyona" bilan bahsda dublga erishgan Berdiev jamoa to'purariga aylandi.

Kim qancha o'ynadi?

Futbolchi	Amplua	Tug'.sana	O'yin	Daqiqa	Gol	SK	QK
Guseynov Javlon	Him	24.06.1991	29	2583	0	3	0
Moshnyaga Gennadiy	Dar	25.04.1985	28	2520	0	1	0
Tursunov Davron	Him	28.02.1987	28	2475	1	7	0
Abdullaev Abdumalik	Huj	11.05.1989	28	1629	2	4	0
Azamov Rustam R.	Yahm	15.12.1985	26	1761	2	1	0
Otaxonov Ibrohim	Yahm	21.09.1985	24	2115	3	11	1
Rahmonov Asror	Him	21.11.1988	20	1189	0	4	1
Asqaraliev Sanjar	Yahm	20.01.1981	19	1312	0	8	2
Akramov Iqbol	Yahm	10.10.1983	18	1043	1	2	0
Jumaboev SHukur	Yahm	08.03.1989	18	789	1	3	0
Rahmonov Rasul	Yahm	04.02.1987	16	1062	0	4	0
Jadigerov Asqar	Yahm	05.01.1980	16	853	2	1	0
Abduqodirov Abdulatif	Huj	09.08.1987	16	363	1	0	0
Vuyovich Predrag	Yahm	20.08.1983	15	1337	2	1	0
Soliev Lochin	Huj	30.03.1983	15	615	2	1	0
Vasilev Temur*	Yahm	05.09.1987	14	1260	1	2	0
Boboxonov Iqbol**	Him	19.03.1989	13	1170	1	7	0
Alimov Abdulloh**	Yahm	11.02.1993	13	964	0	1	0
Berdiev Anvar**	Huj	11.05.1978	11	967	7	2	0
Husanov Tursunboy**	Him	17.02.1988	10	819	0	3	0
Ramazonov Umrillo	Him	18.02.1992	10	710	0	3	0
SHotursunov Farrux*	Huj	11.05.1992	9	629	0	1	0
Qodirov Raxim	Him	25.04.1979	8	644	0	3	0
Gaffarov Sayriddin*	Yahm	29.08.1990	7	344	0	0	0
Bekmurodov Farhod	Yahm	08.10.1994	5	228	1	1	0
Isaboev Eldor	Dar	24.04.1989	2	180	0	0	0
Mirzaev Farrux	Yahm	12.02.1990	1	10	0	0	0

Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar

"Andijon-2015" mavsum statistikasi

O'yinlar	30
Gollar	27
Uydagi gollar	18 (66,67%)
Mehmondagi gollar	9 (33,33%)
O'tkazilgan gollar	56
Uyda o'tkazilgan gollar	24 (42,86%)
Mehmonda o'tkazilgan gollar	32 (57,14%)
O'rtacha gol	0,9
O'rtacha o'tkazilgan gol	1,87
Uydagi ochkolar	20/45 (44,44 %)
Mehmondagi ochkolar	8/45 (17,78 %)
Eng yirik g'alaba	3:2 - "Navbahor", "Qizilqum",    "So'g'diyona"
Eng yirik mag'lubiyat	0:6 - "Paxtakor"
"Quruq" o'yinlar	6 (20%)
Gol ura olmagan o'yinlar	13 (43,33%)
Irodagi g'alaba	1
Yirik g'alabalar	0
Yirik mag'lubiyatlar	4
Avtogol (urilgan/o'tkazilgan)	0/0
Ogohlantirishlar (o'rtacha)	75 (2,5)
CHetlatishlar (o'rtacha)	4 (0,13)
Maydonga tushganlar (legioner)	28 (2 - 7,14%)
Tomoshabinlar (jami/o'rtacha)	173131/5771

Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida

Oliy liga-2015 yakunlari. "Bunyodkor" haqida
Oliy liga-2015 yakunlari. "Neftchi" haqida
Oliy liga-2015 yakunlari. "Olmaliq" haqida

Oliy liga-2015 yakunlari. "Mashal" haqida

Oliy liga-2015 yakunlari. "Navbahor" haqida
Oliy liga-2015 yakunlari. "Metallurg" haqida

Oliy liga-2015 yakunlari. "Qizilqum" haqida
Oliy liga-2015 yakunlari. "SHo'rtan" haqida

Oliy liga-2015 yakunlari. "Qo'qon-1912" haqida