Олий лига-2015 якунлари. "Машъал" ҳақида
06 дек 2015 17:57
Янгиликлар

Олий лига-2015 якунлари. "Машъал" ҳақида

Теглар : Машъал

2015 йилги мавсумда иштирок этган барча клублар ҳақида маълумот беришни давом эттирамиз.

Бугун Муборакнинг "Машъал" клуби ҳақида маълумот берамиз.

Мавсум
Муборакликлар учун мавсум ажойиб бошланди. Наманганда "Навбаҳор", ўз майдонида "Андижон" мағлуб этилди ва олий лигада пешқадам бўлиб олди. Бироқ кейин мағлубиятлар ва очколар йўқотила бошланди. Дастлабки даврани "Машъал" 10-поғонада тугатди. Иккинчи даврада сафарда "Олмалиқ", Муборакда "Нефтчи", "Бунёдкор" ва "Насаф" мағлуб этилди.

Мураббий
Александр Хомяков иккинчи йил жамоа билан олий лигада ишлади. Россиялик мураббий бошчилигида "Машъал" ўтган йил 5-ўринни олганди. Бу йил эса натижа пастроқ бўлди. Мураббий кейинги йил ҳам муборакликлар устози сифатида ишлашга яқин турибди.

Етакчи
Жаҳонгир Жиямуродов
Тажрибали футболчи бу йил "Машъал"нинг етакчиси бўлди. Янги футболчилар ва ёш ўйинчиларга ҳам майдонда, ҳам унинг ташқарисида ўрнак бўлган Жиямуродов 26та ўйинда майдонга тушди. Мураббий ундан кўпроқ қанот ҳимоячиси сифатида фойдаланди.

Кашфиёт
Ҳумоюн Муртазоев
Тўғри Ҳумоюн Муртазоев ёш футболчи эмас. Бироқ 24 ёшли ҳужумчи бу мавсум олий лигада ростакамига ўзини кўрсата олди. Футболчи 21та ўйинда майдонга тушиб рақиблар дарвозасига 6та гол урди. Айниқса Олмалиқда "Олмалиқ"қа қарши кечган баҳс унинг бенефисига айланиб кетди. Ўша ўйинда Муртазоев 7 дақиқа ичида дублга эришганди.

Энг яхши ўйин
"Машъал" - "Бунёдкор" 3:2
24-турда "Бунёдкор"ни қабул қилган "газчилар" тарихий ғалабани қўлга киритишди. Ўша кунга қадар Муборак улби "Бунёдкор" билан хатто дуранг ўйнай олмаганди. Учрашувнинг 10-дақиқасида Шакер Зуаги ҳисобни очди, орадан икки дақиқа ўтгач Микита Букаткин ҳисобни тенглаштирди. Биринчи бўлимда "Машъал"нинг собиқ ҳужумчиси Элдор Шомуродов майдон эгалари дарвозасини ишғол қилди. Иккинчи бўлимда Сирож Ҳамроевнинг урган голи мувозанатни тиклади. Хайрулла Каримов майдондан четлатилгач Зафар Тўраев тўп киритиб "Машъал"га "Бунёдкор" устидан дастлабки ғалабани келтирганди - 3:2.

Энг яхши футболчи
Зафар Тўраев
"Гаттузо" бу йил "Машъал" сафида энг яхши футболчи бўла олди. 25 ёшли ярим ҳимоячи мавсум давомида жамоа сафида энг кўп майдонга тушган футболчи 29та учрашувда 7та гол урди. Ярим ҳимоячи олий лигада бир мавсумда энг кўпи билан 5та гол урганди. Демак у бу йил ўзининг шахсий рекордини янгилай олди. Эътиборлиси Зафар Тўраев "Олмалиқ" ва "Пахтакор"га қарши иккала ўйинда биттадан гол уришга эришди.

Ким қанча ўйнади?

Футболчи	Амплуа	Т.сана.	Ўйин	Дақиқа	Гол	СК	ҚК
Тўраев Зафар	Яҳм	01.07.1990	29	2168	7	5	0
Букаткин Микита	Яҳм	07.03.1988	27	2299	2	11	0
Файзиев Шерзод	Яҳм	06.02.1992	27	2199	2	3	0
Қўзибоев Зоҳир	Ҳуж	11.03.1986	26	2257	4	3	0
Жиямуродов Жаҳонгир	Яҳм	04.11.1987	26	1916	0	7	0
Ҳасанов Жамшид	Ҳуж	03.09.1988	26	1732	4	2	0
Шайманов Шаҳзод	Ҳим	02.04.1992	26	1649	1	5	0
Комилов Ғиёсжон	Ҳим	11.03.1989	25	2200	1	5	0
Шодмонов Аббос	Ҳим	06.11.1988	21	1720	0	4	0
Муртазоев Ҳумоюн	Ҳуж	08.11.1992	21	1348	6	0	0
Носиров Ботир	Дар	11.06.1985	18	1541	0	3	0
Ҳамроев Сирож	Ҳим	26.05.1990	18	1541	2	5	2
Қувватов Санжар	Дар	08.01.1990	12	1069	0	0	0
Иванов Владислав*	Ҳуж	24.01.1986	12	947	5	0	0
Ғофуров Мирзоҳид**	Яҳм	22.09.1988	12	831	1	2	0
Омонов Аббос	Яҳм	28.01.1988	12	733	0	4	0
Баҳодиров Қаҳрамон*	Яҳм	07.08.1988	12	639	0	1	0
Тошпўлатов Ихтиёр	Ҳуж	04.03.1993	12	367	1	2	1
Достонов Шохрух	Ҳуж	20.09.1993	11	494	1	1	0
Холмуродов Холмурод	Яҳм	29.06.1994	11	443	0	2	0
Абибуллаев Дилявер**	Яҳм	04.03.1987	10	612	0	2	0
Абдураҳмонов Достон*	Яҳм	05.05.1990	9	232	0	0	0
Набиев Абдулла	Ҳуж	27.09.1993	7	139	0	0	0
Бобохонов Иқбол*	Ҳим	19.03.1989	4	192	0	2	0
Раҳматуллаев Сирожиддин	Яҳм	22.01.1993	2	129	0	0	0
Аллаев Сирожиддин	Ҳим	03.04.1993	2	108	0	0	0
Илёсов Жавоҳир	Дар	06.02.1994	1	90	0	0	0
Ҳамдамов Турсунмурод*	Яҳм	04.02.1995	1	45	0	0	0

Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар

"Машъал-2015" мавсум статистикаси

Ўйинлар	30
Голлар	37
Уйдаги голлар	24 (64,86%)
Меҳмондаги голлар	13 (35,14%)
Ўтказилган голлар	42
Уйда ўтказилган голлар	17 (40,48%)
Меҳмонда ўтказилган голлар	25 (59,52%)
Ўртача гол	1,23
Ўртача ўтказилган гол	1,4
Уйдаги очколар	26/45 (57,78 %)
Меҳмондаги очколар	12/45 (26,67 %)
Энг йирик ғалаба	3:0 - "Қўқон-1912"
Энг йирик мағлубият	0:4 - "Бунёдкор"
"Қуруқ" ўйинлар	7 (23,33%)
Гол ура олмаган ўйинлар	9 (30%)
Иродаги ғалаба	3
Йирик ғалабалар	1
Йирик мағлубиятлар	2
Автогол (урилган/ўтказилган)	0/1
Огоҳлантиришлар (ўртача)	69 (2,3)
Четлатишлар (ўртача)	3 (0,1)
Майдонга тушганлар (легионер)	28 (2 - 7,14%)
Томошабинлар (жами/ўртача)	122081 / 4069