Olimpiadada ko'pchilik Janubiy Koreya eng yaxshi natija qayd etadi deb hisoblayapti (So'rovnoma yakunlari)
17 iyu 2021 11:33
Yangiliklar
![](https://championat.asia/upload/storage/648959_original.jpg)
![](/upload/storage/648959_220.jpg)
Olimpiadada ko'pchilik Janubiy Koreya eng yaxshi natija qayd etadi deb hisoblayapti (So'rovnoma yakunlari)
Bu musobaqada Osiyodan to'rtta jamoa ishtirok etadi: Yaponiya (mezbon), Janubiy Koreya, Avstraliya va Saudiya Arabistoni. Telegram kanalimizga "Olimpiya o'yinlarida Osiyoning qaysi jamoasi eng yaxshi natijani qayd etadi?" mazmunida so'rovnoma qo'ygandik.
So'rovnoma natijalariga ko'ra, 62 foiz ishtirokchi Janubiy Koreyaning imkoniyatini yuqori baholagan. Koreyaliklar guruh o'yinlarini Yangi Zelandiya (22 iyul), Ruminiya (25 iyul) va Gonduras (28 iyul) terma jamoalariga qarshi o'tkazadi.
Qizig'i shundaki, Yaponiya Olimpiada mezboni bo'lgani bilan nisbatan kamroq ovoz to'pladi. Xususan 26 foiz o'quvchi "samuraylar"ning imkoniyatini yuqori baholamoqda. Yaponiya U-23 guruh bahslarini JAR (22 iyul), Meksika (25 iyul), Franciya (28 iyul) olimpiya termalariga qarshi o'tkazadi.
SHuningdek, 7 foiz ishtirokchi Saudiya Arabistoniga ovoz bergan. 2020 yilgi U-23 Osiyo chempionati yarim finalida bizni mag'lub etgan Saudiya Arabistoni Olimpiya o'yinlari guruh bosqichida Kot-D'Ivuar (22 iyul), Germaniya (25 iyul) va Braziliya (28 iyul) bilan kuch sinashadi.
Va nihoyat eng kam ovoz to'plagan Avstraliya olimpiya terma jamoasi bo'ldi (5 foiz). Yosh "sokkeruzlar" U-23 Osiyo chempionatining 3-o'rin uchun kechgan bahsida bizni mag'lub etib, Olimpiadaning so'nggi ishtirokchisiga aylanishgandi. Avstraliya olimpiy terma jamoasi guruh uchrashuvlarini Argentina (22 iyul), Ispaniya (25 iyul) va Misr (28 iyul) jamoalariga qarshi o'tkazadi.
Tokio-2020 Olimpiya o'yinlari
"A" guruhi: Yaponiya, JAR, Meksika, Franciya.
"B" guruhi: Yangi Zelandiya, Janubiy Koreya, Gonduras, Ruminiya.
"C" guruhi: Misr, Ispaniya, Argentina, Avstraliya.
"D" guruhi: Braziliya, Germaniya, Kot-D'Ivuar, Saudiya Arabistoni.
O’xshash yangiliklar
![AMP Logo](https://championat.asia/image/logo-amp.png)
Fikrlar