Oliy liga. 9-tur. "Bunyodkor" - "Metallurg" 2:0

Uchrashuvning 3-daqiqasida Dilmurod Karimovning kuchli zarbasi juda-juda havfli chiqdi. Bugalo baxtiga zarba biroz noaniq bo'ldi. 14-daqiqada Islom Inomovning zarbasi noaniq ketdi.

24-daqiqada G'ofurov to'pni yon chiziqdan tashladi, SHodiev boshi bilan to'pni jarima maydoni markaziga yo'lladi. Bu erda Zoteev akrobatik tarzda darvozaga yo'lladi, biroz noaniq.

26-daqiqada Sato ikki futbolchini aldab o'tib jarima maydoni chizig'i ustidan zarba berdi, noaniq.  28-daqiqada Bobirjon Akbarovning chamasi 40 metrlardan yo'llagan kuchli zarbasi noaniq chiqdi.

32-daqiqada Sardor Sobirxo'jaev chiroyli pas bilan Rashidovni birga-bir vaziyatga chiqardi. Ammo Rashidov tepgan to'p darvoza to'siniga tegib qaytdi.

37-38 metrlar uzoqlikdan belgilangan jarima zarbasini Odilov amalga oshirdi. To'p biroz yuqoriroqdan o'tib ketdi.

43-daqiqa Oleg Zoteev xavfli hujum uyushtirdi. To'pni qaytarish chog'ida Doniyor Odilov o'z darvozasini ishg'ol etishiga bir bahya qoldi.

Birinchi bo'lim tugadi.


Ikkinchi bo'lim davom etmoqda. 47-daqiqada Ziyovuddinov to'pni oldinga oshirdi, Rasulov va Bugalo to'p uchun kurashda to'qnashib ketishdi.

52-daqiqada Zaxiradan maydonga tushgan Rahmatullaev o'ng qanotdan to'pni jarima maydonchasiga uzatdi. Bu erda Pishur boshi bilan darvozani ishg'ol qildi.

54-daqiqada Vohid SHodiev tomonidan uzatilgan pasni Sardor Rashidov juda chiroyli tarzda darvozaga joylab qo'ydi - 2:0.

57-daqiqada Vohid SHodiev jarima maydoni ichidan darvozaga yo'llagan zarbasi darovza ustuniga tegib maydonni tark etdi.

63-daqiqada Odilov tepgan kuchli zarbani Bugalo qaytarishga erishdi. Takroriy zarba yo'liga esa G'ofurov to'g'anoq bo'ldi.

70-daqiqada Pishur dubl qayd etishga yaqin edi. Uning bosh bilan yo'llagan zarbasi biroz yuqoriroqdan o'tib ketdi.

79-daqiqada Rashidov hammasini to'g'ri bajardi: raqibni aldadi, jarima maydonchasi tomon yaqinlashdi. Lekin zarba berishga kelganda o'ng oyog'i pand berdi.

90+1-daqiqada Dilshod Jo'raevning kuchli zarbasini Suhrobjon Sultonov egallab oldi.


19:00 - Bunyodkor (Toshkent) – Metallurg (Bekobod) 2:0
Hakamlar: Z. Qodirov (Navoiy), F. Hasanov (Namangan), R. G'opurov (Namangan), D. Dosanov (Toshkent)
Nazoratchi: I. Nexochin (Namangan).

Gol: Oleksandr Pishur, 52 - 1:0 (Alibobo Rahmatullaev). Sardor Rashidov, 54 - 2:0 (Vohid SHodiev)

"Bunyodkor": Pavel Bugalo, Xayrulla Karimov, Dilshod Jo'raev, Anvar G'ofurov, Sato Minori (Oleksandr Pishur, 46), Vohid SHodiev, Islom Inomov, Bobir Akbarov (Alibobo Rahmatullaev, 46), Sardor Rashidov, Sardor Sobirxo'jaev (Karles Koto, 83), Oleg Zoteev.
Zaxira: Murod Zuhurov, Anvar Berdiev, Bahodir Pardaev, Hasan Asqarov.

"Metallurg": Suhrob Sultonov, Saidkomil Akbarov (Nozimjon Esonov, 80), Hikmat Hoshimov, Dilmurod Karimov, Doniyor Odilov, Sunnatilla Mamadaliev (SHuxrat Yo'ldoshev, 74), Davron Karimqulov, Alisher Ziyovuddinov (Mirto'ra Akbarov, 60), Mirg'iyos Sulaymonov, Sardor Rasulov, Murodjon Toshmatov.
Zaxira: Rahimjon Rahmonberdiev, SHoxnazar Norbekov, Saidjon Abdujabborov, Sardor Soibov.

Ogohlantirishlar: Islom Inomov 64, Oleg Zoteev 89, Sardor Rasulov 89,