Oybek Qilichev: “Paxtakor"ning peshqadamligidan xursandman”

- Oybek, “Al SHaab”dagi faoliyatingiz haqida nima deya olasiz? Jamoa quyi ligaga tushib ketdi. Buning sababi nimada?
- Faoliyatimda birinchi marta xorij klubida o'ynash imkoniyatiga ega bo'ldim. Bundan xursandman. CHunki boshqa futbol uslubi bilan tanishish, begona muhim va sharoitga moslashish keyinchalik asqotadi. SHu taraflari men uchun foydali bo'ldi. Afsuski, “Al SHaab” yuqori ligada o'rnini saqlab qola olmadi. Bu yaxshi emas. Bir qator o'yinlarda omadimiz kelmadi. Ustunlik qilgan paytlarimizda ham ochkolarni qo'ldan chiqardik. Bunda butun jamoa aybdor. G'alabada ham, mag'lubiyatda ham har bir futbolchi aybdor sanaladi. Imkon qadar murabbiy aytgan ko'rsatmalarini bajarishga intildik. Balki, mahalliy o'yinchilarning natija uchun unchalik qayg'urmasligi bunga sababdir. Jamoada shunday ediki, mahalliy futbolchilar uchun uchrashuv natijalarining farqi yo'q edi. Ular futbolni shunchaki zavq olish uchun o'ynashayotgandek taassurot qoldiradi. Lekin aynan shu holat salbiy natijalarga olib keldi deb aytmoqchi emasman. Avvalroq aytganimdek, bunda jamoadagi barchaning aybi bor.



- “Al SHaab” bilan tuzilgan ijara shartnomasi tugadimi?
- Hozircha yo'q. SHartnoma 30 iyunga qadar amal qiladi. SHu sababli hozircha bu muddat yakunlanishini kutaman. BAAda mavsum yakunlangani sababli Toshkentga qaytib keldim.

- Keyin “Paxtakor”da o'ynashni davom ettirasizmi?
- Bu masala hozircha to'la hal etilmadi. Agar jamoa rahbariyati faoliyatimni xorrij klubida davom ettirishimni aytsa, unda yana legioner maqomida qolaman. “Paxtakor”ga qaytishim zarurligini aytishsa, unda ikkinchi davradan yana qadrdon klubim uchun maydonga tushaman. Huquqiy jihatdan “Paxtakor”ga tegishliman. SHuning uchun rahbarlar qabul qilgan qarorga hurmat bilan qarayman.



- O'zbekiston chempionatidagi natijalarni kuzatib bordingizmi?
- Ha. Har bir tur natijalari, jamoalarning ko'rsatkichlarini internet orqali kuzatib bordim. “Paxtakor”ning bu yil chiroyli va hujumkor futbol namoyish etib, peshqadam bo'lib turgani meni ham xursand qilmasdan qo'ymadi. Avvalgi yillarda yoshlarga ishonch bildirilgandi. Bu esa o'z samarasini berishni boshladi. Klub akademiyasidan asosiy tarkibgacha bo'lgan yo'lni bosib o'tgan futbolchilar jamoaviy o'yinni kuchaytirib borishmoqda. CHempionlik uchun kurash o'tgan mavsumda bo'lganidek 4 jamoa o'rtasida kechsa kerak. “Paxtakor”, “Lokomotiv”, “Nasaf” va “Bunyodkor” qolgan jamoalardan saviya bo'yicha ustunroq.