OFK va O'FF mutaxassislari Buxoroga tashrif buyurdi

Mehmonlar dastlab “Markaziy” stadionni ko'zdan kechirib,  u erda muxlislar uchun yaratilgan shart-sharoitlar, stadion yon atrofidagi binolar, hamda bolalar va o'smirlar futbol maktabi, “Buxoro” futbol klubi qarorgohi bilan yaqindan tanishib chiqdi.
Mutaxassislar “Buxoro” sport majmuasida nafaqat futbol, balki engil atletika, badiiy gimnastika va sport gimnastikasi, boks kabi sportning boshqa turlari bilan shug'ullanish uchun yaratilgan imkoniyatlarni ijobiy baholadi. Ayniqsa Elnur Mamedov stadionni kuzatish chog'ida,  sport majmuasi  ichidagi  rassomchilik ustaxonasi OFK mutaxassisini etiborini tortdi va ustaxonaga kirib  rassomdan o'zini qiziqtirgan savollarga javob oldi hamda u erdan iliq tasurotlar bilan chiqib kuzatishda davom etdi.
SHundan so'ng  mehmonlar klub marketing xizmati xodimlari, matbuot xizmati va boshqa bo'lim xodimlari bilan davra suhbati o'tkazdilar. Samimiy va do'stona ruh ostida o'tgan suhbat chog'ida, OFK va O'FF vakillari kelgusida klubning marketing ishlarini yanada rivojlantirish borasida kerakli maslahatlarini berdi.

SHu tariqa Elnur Mamedov va Baxtiyor Mametovning Buxoroga uyushtirgan safari yakuniga etdi.

“Buxoro” matbuot xizmati.