OFK Texnik qo'mitasi Ilyos Zeytullaevning murabbiylik diplomi bo'yicha yakuniy xulosasini qabul qildi

OFK "Licenziyalash reglamenti" va "Murabbiylik konvenciyasi" talabiga ko'ra, mazkur diplom konfederaciya hududida qanday licenziya bilan muqobil ekanligi aniqlanishi lozim.

O'FA texnik direktori Gi Kiala tajriba va malaka mutanosibligini tan olish hamda mazkur masalaga aniq xulosa berishni so'rab, OFK Texnik boshqarmasiga murojaat qilgandi. 28 avgust sanasida Texnik qo'mita o'z xulosasini taqdim etdi. Unga ko'ra, Zeytullaevga tegishli bo'lgan diplom OFKning A licenziyasi darajasi bilan teng ekanligi qayd etildi.

Licenziyalash talabiga ko'ra, Superliga klubida bosh murabbiy sifatida ro'yxatdan o'tish uchun mutaxassis Pro licenziyasiga ega bo'lishi lozim. SHundan kelib chiqib, Bunyodkor klubida bosh murabbiy sifatida Sergey Arslonov ro'yxatdan o'tkazilgan, Zeytullaev de fakto jamoani boshqarayotgan bo'lsa-da, amalda u yordamchi murabbiy sifatida Liga ro'yxatidan o'tgan.

Liga Gi Kiala bilan murabbiylarni qayta o'qitish yo'nalishida hamkorlikda faoliyat olib bormoqda. Xususan, har ikki tomon yaqin istiqboldagi rejalar masalasida tez-tez fikr almashadi. Sababi Superliga va Proligani yanada rivojlantirish bevosita murabbiylar malakasi bilan chambarchas bog'liq hisoblanadi.

Malumot uchun, OFK Pro licenziyasiga navbatdagi o'quv-kursi shu yilning 3-sentyabr sanasida Toshkentda start oladi. Ilyos Zeytullaev Pro licenziyasi uchun talabgorlar ro'yxatiga kiritilgan.

OCHLda "Al Hilol" va "Al Nassr"ga 3 tadan gol urgan futbolchi jamoasi bilan yangi shartnoma imzoladi