OFK Saudiya Arabistoni kompaniyasi bilan yirik kelishuvga erishdi

Gap shundaki, OFK Saudiya Arabistonining "Saudi Sports Company" kompaniyasi bilan musobaqalarni translyaciya qilish bo'yicha kelishuv bitimi imzoladi. Buning natijasida Saudiya Arabistoni kompaniyasi terma jamoalar va klublar o'rtasidagi katta musobaqalarni olib ko'rsatish huquqiga ega bo'ladi. 

Katta musobaqalar deganda Osiyo Kubogi va jahon chempionati saralash bahslari, 2023 yil Xitoyda bo'lib o'tadigan Osiyo Kubogi musobaqasi hamda Osiyo chempionlar ligasi nazarda tutilmoqda.

Bu haqda OFK Bosh kotibi Dato Uindsor Jon shunday dedi: "Bu OFK uchun ajoyib kelishuv bo'ldi, negaki Saudiya Arabistoni qitada eng nufuzli futbol mamlakatlaridan biri hisoblanadi. Endilikda Saudiya Arabistonida millionlab muxlislar terma jamoalar va klublar o'rtasidagi o'yinlarni bemalol kuzatish imkoniga ega bo'lishadi". 

Malumki, Saudiya Arabistoni qirolligi tomonidan 2030 yilgacha bo'lgan rivojlanish dasturi ishlab chiqilgan. Televizion huquqlarni qo'lga kiritish mana shu dasturning bir qismi hisoblanadi.