OFK Nesterovni 8 oyga diskvalifikaciya qildi

"O'zbekiston terma jamoasi darvozaboni 8 oyga futboldan chetlatildi. Diskvalifikaciya muddati 13 fevraldan boshlanadi. Yani Nesterov 13 oktyabr kuni maydonga tusha oladi. 13 avgust kuni Nesterov mashg'ulotlarni boshlashi va shartnoma tuzishi mumkin.

Doping bilan kurash kundan-kunga avj olayotgan paytda 8 oy juda ham engil jazo. Ayniqsa ayblovchi tomon 16 oylik diskvalifikaciya talab qilganini hisobga olsak.

Nesterov ishi bu yaqinda tuzilgan O'zbekiston futbolchilar kasaba uyushmasining dastlabki jiddiy akciyasi hisoblanadi. Ushbu tashkilot O'zbekiston terma jamoasi posbonini himoya qilish uchun mashhur Rossiya yuridik kompaniyasini jalb qilgan edi, - deb yozadi Alisher Nikimbaev telegramdagi o'z kanalida.

Bu borada ko'proq malumot olish maqsadida O'zbekiston futbolchilar kasaba uyushmasi prezidenti Kamoliddin Murzoev bilan bog'landik.

"Ignatiy Nesterov ishi biz uchun yaxshi yakunlandi deya olaman. Sababi OFK darvozabonimizga 2,5 yil yani 30 oylik diskvalifikaciya bermoqchi bo'lgandi. Bu esa Nesterovning faoliyatini yakunlashini anglatardi. Biroq yuristlar bu muddatni 8 oyga tushirishgani bizning kichik g'alabamiz bo'ldi", - deydi Kamoliddin Murzoev.