OFK Melburndagi sharoitlardan mamnun bo'ldi

Bilasiz, ushbu musobaqa beshta shahar - Sidney, Nyukasl, Kanberra, Brisben va Melburnda bo'lib o'tmoqda. Ertaga Melburnda oxirgi uchrashuv o'tkaziladi. Unda O'zbekiston chorak final doirasida Janubiy Koreyaga qarshi bahs olib boradi. SHundan so'ng qolgan o'yinlar Sidney, Kanberra va Nyukaslda davom ettiriladi.



Saytimiz orqali xabar qilganimizdek, bugun o'yinoldi matbuot anjumani o'tkazildi. Matbuot anjumanidan oldin esa zalda kichik tadbir tashkil qilindi. Yani, ertaga Melburndagi oxirgi o'yin munosabati bilan OFK bu erdagi tashkilotchilarga o'z tashakkurini bildirdi. Dastlab OFK general koordinatori Pavel Luzanov so'z olib, OFK nomidan "Melburn" stadioni mamuriyatiga o'z minnatdorchiligini izhor qildi, shuningdek bu erda faoliyat olib borayotgan volontyorlar (ko'ngillilar)ga katta rahmat aytdi.



Keyin esa maxsus sertifikatni stadion bosh menejeri SHeyn Meyts va volontyorlar boshlig'i Daniel Endryusga topshirdi. Qolaversa, OFK matbuot xizmati vakillari ham tashkilot tomonidan taqdirlanishdi. Pavel Luzanov OFK stadiondagi sharoitlar aalo darajada ekanligini va tashkilotchilik ham zo'r bo'lganini aytib o'tdi. Eslatib o'tamiz, Melburndagi asosiy o'yingohda shu paytgacha Avstraliya - Quvayt, Eron - Bahrayn, KXDR - S.Arabistoni, Falastin - Iordaniya, O'zbekiston - S.Arabistoni, Yaponiya - Iordaniya o'yinlari o'tkazildi va ertaga O'zbekiston - Janubiy Koreya bellashuvi bo'lib o'tadi.