OFK Kubogi-2021. Rustam Xodjaev: "Hozir "Nasaf" yoki "Oloy" haqida bosh qotirayotganimiz yo'q"

Anjumanning navbatdagi qismida "Xo'jand" bosh murabbiyi Rustam Xodjaev va futbolchi Maksim Grek qatnashdi.

Rustam Xodjaev: "Ertaga albatta yaxshi va chiroyli o'yin kutmoqdamiz. Birinchi o'yin masuliyatini barcha his qilib turibdi. Raqib tajribali jamoa. OFK kubogida ishtirok etish ko'nikmasi mavjud. Ilk bahsda faqat ijobiy natijani qo'lga kiritishimiz darkor. Qolganini o'yindan-o'yinga ko'rib boramiz".

Maksim Grek: "Bizni yaxshi jamoaga qarshi qiziqarli uchrashuv kutyapti. Muxlislarimizni qo'llab-quvvatlab turishadi, degan umiddaman". 

- Jamoangizning guruhdan chiqish imkoniyatlarini qanday baholaysiz?
- Bu - futbol. Hozirdan chiqamiz yoki chiqa olmaymiz demayman. Bunday musobaqada oxirigacha kurashish kerak bo'ladi. Gohida jamoa yaxshi o'ynasa ham natija chiqmay qolishi mumkin. Agarda jamoam guruhdan chiqa olmasa bu muvaffaqiyatsizlik hisoblanadi. Hammasi biz qanday o'ynashimizga bog'liq. Raqiblardan qo'rqmaymiz, lekin hurmat qilamiz. Ularning kuchidan xabarimiz bor. O'ylaymanki, musobaqada yaxshi o'yin ko'rsata olamiz. Biz faqat ertangi bahsni o'ylayapmiz. "Nasaf" va "Oloy" haqida bosh qotirayotganimiz yo'q.

- "Xo'jand"ning OFK kubogiga tayyorgarligidan qoniqish hosil qildingizmi?
- Ha. Jamoa o'z tarixida ilk bor Turkiyada o'quv-yig'in mashg'ulotini o'tkazdi. Buning uchun klub rahbarlariga rahmat aytaman. U erdagi yuqori klassdagi jamoalarga qarshi o'rtoqlik o'yinlari katta  foyda keltirdi. Futbolchilar tajribasini oshirishdi. 

Eslatib o'tamiz, "Oltin Asr" - "Xo'jand" uchrashuvi 14 may kuni Toshkent vaqti bilan soat 21:05da boshlanadi.  

Altyn Asyr

AFC Cup Grp. F . 1-tur 14/05/2021, 21:05 2 : 2 Tugadi

FK Khujand

45'

90'

Match-senterda ochish