OFK CHempionlar ligasida mukofot pullari oshirildi
08 dek 2017 13:35
Yangiliklar

OFK CHempionlar ligasida mukofot pullari oshirildi

Kuala-Lumpurda bo'lib o'tgan Osiyo Futbol Konfederaciyasining yig'ilishida CHempionlar ligasining yangi mavsumida mukofot pullari oshirildi.

Bu haqda OFK rasmiy sayti xabar bermoqda.

Endi OFK CHempionlar ligasida g'olib bo'lgan klub bu yilgi kabi 3 mln. dollar emas, 4 mln. dollar mukofot puli oladi. OFK Kubogida zafar quchgan jamoa esa 2017 yildagidek 1 mln. dollar emas, 1,5 mln. dollarga boyiydi.

OFK bosh kotibi Dato Vindsor Jonning so'zlariga ko'ra, CHempionlar ligasining har bir bosqichida mukofot pullari oshirilgan.

Sayt bergan malumotlarga ko'ra, OFK mukofot pullari borasida faqat Evropadan orqada. OFK CHempionlar ligasi g'olibi endi avvalgi mavsumdan 1 mln. dollar ko'p olsa, finalchining mukofotiga 500 ming dollar qo'shiladi va ikkinchi o'rinni egallagan jamoa 2 mln. dollarga ega bo'ladi.

OFK CHempionlar ligasi pley-off bosqichidagi mukofot pullari:

Bosqich	2018 mavsum	2017 mavsum
1/8 final	100 ming dollar	80 ming dollar
1/4 final	150 ming dollar	120 ming dollar
1/2 final	250 ming dollar	200 ming dollar
Final	G'olib: 4 mln. dollar; finalchi: 2 mln. dollar	G'olib: 3 mln. dollar; finalchi: 1,5 mln. dollar