ОФК Чемпионлар лигасида мукофот пуллари оширилди
08 дек 2017 13:35
Янгиликлар

ОФК Чемпионлар лигасида мукофот пуллари оширилди

Куала-Лумпурда бўлиб ўтган Осиё Футбол Конфедерациясининг йиғилишида Чемпионлар лигасининг янги мавсумида мукофот пуллари оширилди.

Бу ҳақда ОФК расмий сайти хабар бермоқда.

Энди ОФК Чемпионлар лигасида ғолиб бўлган клуб бу йилги каби 3 млн. доллар эмас, 4 млн. доллар мукофот пули олади. ОФК Кубогида зафар қучган жамоа эса 2017 йилдагидек 1 млн. доллар эмас, 1,5 млн. долларга бойийди.

ОФК бош котиби Дато Виндсор Жоннинг сўзларига кўра, Чемпионлар лигасининг ҳар бир босқичида мукофот пуллари оширилган.

Сайт берган маълумотларга кўра, ОФК мукофот пуллари борасида фақат Европадан орқада. ОФК Чемпионлар лигаси ғолиби энди аввалги мавсумдан 1 млн. доллар кўп олса, финалчининг мукофотига 500 минг доллар қўшилади ва иккинчи ўринни эгаллаган жамоа 2 млн. долларга эга бўлади.

ОФК Чемпионлар лигаси плей-офф босқичидаги мукофот пуллари:

Босқич	2018 мавсум	2017 мавсум
1/8 финал	100 минг доллар	80 минг доллар
1/4 финал	150 минг доллар	120 минг доллар
1/2 финал	250 минг доллар	200 минг доллар
Финал	Ғолиб: 4 млн. доллар; финалчи: 2 млн. доллар	Ғолиб: 3 млн. доллар; финалчи: 1,5 млн. доллар