OFK: "Al Jayish" - "Al Nasr" uchrashuvi natijasi bekor qilindi

Mazkur uchrashuv atrofida katta muammo yuzaga kelgani haqida xabar bergandik.

Asli braziliyalik bo'lgan, o'sha kungi uchrashuvda dubl qayd etgan Santos Vanderley BAA Pro ligasida Indoneziya fuqarosi sifatida qayd etilgan ekan. Buni bilib qolgan "Al Jayish" rahbariyati "Al Nasr"ni reglamentga amal qilmaganini bildiruvchi xatni OFKga yo'llagan. O'z navbatida klub Indoneziya FFga murojaat qilib, ulardan bunday futbolchi yo'qligi haqida malumot olganlar.

OFK mazkur holat yuzasidan tekshiruv o'tkazdi qaror qabul qildi: "Al Jayish" - "Al Nasr" o'rtasidagi o'yin natijasi bekor qilinsin. Sababi mehmon jamoa safida hujjatini sohtalashtirgan Vanderley ismli futbolchi o'ynagan. "Al Nasr" OFKga 1000 AQSH dollari miqdorida jarima to'laydi.

OFK birinchi o'yin natijasi qanday bo'lgani va javob bahsi qachon bo'lib o'tishi haqida hech qanday izoh berganicha yo'q.

Eslatib o'tamiz, mazkur juftlik g'olibi OCHL yarim finalida, "Lokomotiv" (Toshkent) - "Al Ayn" (BAA) juftligi g'olibiga qarshi bahs olib boradi.