O'FAda hududiy associaciya rahbarlari o'rtasida o'smirlar musobaqalari bo'yicha yig'ilish bo'lib o'tdi
21 iyu 2021 13:42
Yangiliklar
![](https://championat.asia/upload/storage/643959_original.jpg)
![](/upload/storage/643959_220.jpg)
O'FAda hududiy associaciya rahbarlari o'rtasida o'smirlar musobaqalari bo'yicha yig'ilish bo'lib o'tdi
Tadbirda 14ta hududda faoliyat olib borayotgan 1-Vice prezidentlar va har bir viloyatning oliy mahorat futbol maktablarining direktorlari ishtirok etdilar. Kun tartibida, bo'lib o'tgan sport maktablari ligasi va yaqinlashayotgan oliy mahorat maktablari o'rtasidagi musobaqaning final bosqichi hamda viloyat terma jamoalari o'rtasidagi Respublika chempionati haqida gap bordi.
"O'zbekiston MTJ ko'rsatgan o'yin, bizga berilgan baho bo'ldi. To'g'ri, biz so'nggi 2 yilda amalga oshirgan ishlarimizning samarasini 5-6 yildan keyin ko'ramiz. Lekin bari-bir har birimiz bu natijaga aybdorlik hissini tuyishimiz kerak. Biz keyingi faoliyatimizni ham shunday davom ettiradigan bo'lsak, JCH orzu bo'lib qolaveradi. Hukumat rahbarining so'nggi qarorlaridan unumli foydalana ola bilishimiz kerak. O'FA rahbariyati imkon qadar barcha muammolaringizni echib berish ustida ish olib boryapti. Bundan foydalanib qolish kerak", - dedi Rahmiddin Egamovich.
Yaqinda yakuniga etgan sport maktablari o'rtasidagi Respublika musobaqasi so'nggi yillar ichidagi eng yaxshisi bo'ldi deb aytsak mubolag'a bo'lmaydi. Kim kuchli bo'lsa, o'sha g'alaba qozondi. Avvallari mezbon jamoa qanday yo'l bilan bo'lmasin g'oliblikni qo'lga kiritar edi. 2019 yil mana shunday holat Samarqandda kuzatildi va rahbariyat jamoani jazoladi. 2021 yilga kelib bu ishlar ancha toza va halol o'tdi. Mezbon degan tushuncha o'z kuchini yo'qotdi. Endi mezbonlar g'alaba qozoni uchun tom manoda kuchli bo'lishi talab etiladi. SHunga qaramay kamchiliklar yo'q emas. Bu borada Mamur Saidqosimov gapirib o'tdi.
- Respublika bosqichini O'FA vakillari bilan hamkorlikda tashkil qilgan hududlarga rahmat aytaman. Lekin ishlashdan to'xtamasligimiz kerak. Ko'p viloyatlar dastlabki bosqichni o'tkazmadilar. Nomiga jamoa yuborib qo'yish bilan ish bitmaydi. Katta-katta viloyat rahbarisizlar, murabbiylarni nazorat qiling, selekciya ishlarini olib boring. Nima uchun nomiga o'tkazib qo'yasizlar saralash bosqichini. Bunda qanday qilib istedod egasini aniqlaymiz? BO'SMlar chempionati yaxshi o'tgani bilan, u erdagi futbolchilarning sifati qoniqarli emas.
Undan tashqari har bir viloyat akademiyalari bo'yicha to'xtalar ekan, mutaxassis shunday deydi:
- Direktor va uning o'rinbosarlari yaxshi oylik olishni bilasizlar, nima uchun futbolchi qanday o'syapti, nima istemol qilmoqda, buni ketidan yugurmaysizlar. Ayrim viloyat akademiyalarida ovqat bilan mummo mavjud. Bunday bo'lishi kerak emas, masuliyatni his qilaylik.
Yig'ilish yakunida navbat takliflarga berildi. Takliflardan eng muhimi, 5887-farmoni asosida har bir hududda yaratilishi kerak bo'lgan markazlar bo'yicha hech qanday ish qilinmaganligi va hukumatning hokimiyat ko'magida shu mavzuni ko'tarish kerakligi haqidagisi bo'ldi. 14ta hududdan faqatgina Farg'ona viloyat FAda markaz mavjud bo'lib, qolgan 13ta hududning mashg'ulot bazasi mavjud emas.
O’xshash yangiliklar
![AMP Logo](https://championat.asia/image/logo-amp.png)
Fikrlar