O'FA va PFL rahbarlari "Beshiktosh" klubi bilan tanishishdi
24 jan 2019 23:34
Yangiliklar
![](https://championat.asia/upload/storage/474107_original.jpg)
![](/upload/storage/474107_220.jpg)
O'FA va PFL rahbarlari "Beshiktosh" klubi bilan tanishishdi
Bugun O'FA va PFL mutasaddilari "Inteltek" kompaniyasi rahbariya Ahmet Sezar bilan uchrashib, klublarda marketing ishlarini to'g'ri yo'lga qo'yish masalalarida fikr almashishdi. SHundan so'ng "Beshiktosh" klubiga tashrif buyurildi. O'FA mutasaddilarini klub vice-prezidenti Serdal Adalining o'zi kutib olib, boy tarixga ega klub bilan yaqindan tanishtirdi. SHuningdek, klubda olib borilayotgan ishlar, infratuzilma va muxlislar bilan ishlash masalalari bo'yicha o'z tajribalari bilan o'rtoqlashdi. Serdal Adali Turkiyadagi har bir yirik korxona va kompaniyalarda klubning o'z muxlislar guruhi mavjud bo'lib, bu guruh "Beshiktosh" ishtirokidagi o'yinlarga stadionlarga ko'proq muxlislarni jalb qilish bo'yicha targ'ibot ishlarini olib borishini aytib o'tdi.
Bundan tashqari, O'zbekiston vakillari Sport Arbitraj Sudi - CAS advokati Emin O'zkurd bilan huquqiy masalalar bo'yicha suhbatlashishdi. Emin O'zkurd "Beshiktosh", "Fenerbaxche", "Galatasaray" kabi klublarda ham faoliyat yuritadi. Suhbat davomida yosh huquqshunos futbolchilar bilan imzolanadigan shartnomalarning talablari, transfer masalalari va boshqa huquqiy mavzularda o'z tajribalari bilan o'rtoqlashishdi. Emin O'zkurd bu borada O'zbekistonga ham tashrif buyurib, Superliga klublarida faoliyat yuritayotgan yuristlar uchun seminarlar tashkil etishga tayyor ekanini ham malum qildi.
Turkiya futbol federaciyasi va klublari bilan yaqin hamkorlikni yo'lga qo'yish bo'yicha uchrashuvlar davom etadi.
O’xshash yangiliklar
![AMP Logo](https://championat.asia/image/logo-amp.png)
Fikrlar