O'FA ishchi guruhi Qoraqalpog'iston Respublikasida bo'ldi
08 fev 2020 16:47
Yangiliklar
![](https://championat.asia/upload/storage/544022_original.jpg)
![](/upload/storage/544022_220.jpg)
O'FA ishchi guruhi Qoraqalpog'iston Respublikasida bo'ldi
O'zbekiston Respublikasi Prezidentining 2019 yil 4 dekabrdagi “O'zbekistonda futbolni rivojlantirishni mutlaqo yangi bosqichga olib chiqish chora-tadbirlari to'g'risida”gi Farmonida belgilangan vazifalar ijrosini taminlash maqsadida O'zbekiston futbol associaciyasi va O'zbekiston Respublikasi jismoniy tarbiya va sport vazirligi hududlardagi bolalar-o'smirlar sport maktablarining futbol bo'limlari, futbol mahorat maktablari, ixtisoslashtirilgan futbol maktablarida mavjud shart-sharoitlarni yaqindan o'rganish, ularning infratuzilmasi va moddiy-texnik bazasini yanada mustahkamlash borasida ish olib bormoqda.
SHu maqsadda Respublikamizning barcha viloyatlarida bu boradagi mavjud vaziyatni to'liq o'rganib chiqish uchun O'FA va sport vazirligi mutaxassislaridan iborat ishchi guruhlar tuzildi. Mutaxassislar bu gal Qoraqalpog'iston Respublikasida bolalar va o'smirlar futbolidagi shart-sharoit, kamchiliklar bilan tanishib chiqishdi.
Ishchi guruh Nukus shahri, shuningdek, Taxtako'pir, Qorao'zak, CHimboy, Bo'zatov, Kegeyli, Qonliko'l, Qo'ng'irot, Mo'ynoq, SHo'manoy, Amudaryo, Ho'jayli, Taxiatosh hamda Ellikqala tumanlarida joylashgan bolalar-o'smirlar sport maktablari futbol bo'limlarining ish-faoliyati, Futbol mahorat maktabining hamda mavjud futbol to'garaklarining zarur inventarlar bilan taminlanganligi, murabbiylarning zamonaviy metodlar asosida mashg'ulotlar olib borayotgani, mashg'ulot va o'yin maydonlari holati o'rganildi.
SHuningdek, Qoraqalpog'iston Respublikasi futbol associaciyasining bugungi kundagi ish jarayoni, associaciyaning yangi mavsumda amalga oshirilishi mo'ljallangan rejalari bilan yaqindan tanishildi, uning ish faoliyati samaradorligini taminlash, hududda futbolni yanada ommalashtirishda Qoraqalpog'iston Respublikasi futbol associaciyasi ish salmog'ini oshirish masalalari muhokama qilindi.
O’xshash yangiliklar
![AMP Logo](https://championat.asia/image/logo-amp.png)
Fikrlar