Odil Ahmedov: "Haydarov maydonga tushsa o'zimni erkin his qilaman"

"Ertaga bizni ham faqat g'alaba qoniqtiradi. Stadionga minglab muxlislar kelishlari kutilmoqda. Ularni xursand qilishni istaymiz. Ertaga sariq kartochka olmaslikka harakat qilaman. Boisi uchinchi bosqichdagi ilk bahsda o'ynay olmasligim mumkin. Lekin sariq olmayman deb maydonga tushsangiz aksincha ogohlantirish olishingiz mumkin. Futbolda hamma narsa bo'lishi mumkin. O'tgan bahsda Aziz Haydarovning o'rnida Javohir Sohibov o'ynadi. Sohibov yaxshi futbolchi lekin, baribir hali yosh. Bazi vaziyatda oldinga o'tib ketishi mumkin, Haydarov esa tajribali o'yinchi. U bilan bir necha yillardan buyon o'ynab kelayapmiz. Aziz maydonga tushganida o'zimni erkin his qilaman. U meni, men uni yaxshi tushunamiz", - deydi Ahmedov.