OCHL-2021. Bugun guruh bosqichiga qura tashlash marosimi bo'lib o'tadi
27 jan 2021 08:40
Yangiliklar

OCHL-2021. Bugun guruh bosqichiga qura tashlash marosimi bo'lib o'tadi

Teglar : OCHL-2021 OFK

Bugun Osiyo futbol konfederaciyasi 2021 yilgi Osiyo chempionlar ligasi guruh bosqichi uchun qura tashlash marosimini o'tkazadi.

Qura Toshkent vaqti bilan soat 13:30da boshlanadi.

Bu yildan etiboran guruh bosqichida 40ta klub ishtirok etadi. 10ta guruhda (5ta G'arb, 5ta SHarq) 4tadan klub qatnashadi. G'arb mintaqasidagi guruh bosqichi o'yinlari 14-30 aprel kunlari, SHarq mintaqasidagi guruh bosqichi o'yinlari 21 apreldan 7 maygacha markazlashgan holda bo'lib o'tadi.

O'zbekiston chempioni 3-savatchadan o'rin olgan. Ushbu savatchada "Istiqlol" (Tojikiston), "Al-Vihdat" (Iordaniya), "Goa" (Hindiston) va "Istiqlol" (Eron) kabi klublar o'rin olgan. Bitta savatchadan o'rin olgan klublar bir guruhda bo'lishmaydi.

O'zbekistonning yana bir vakili AGMK esa pley-off bosqichida "Al-Garafa"ni mag'lub eta olsa to'rtinchi savatchadan joy oladi.

OCHL-2021 savatchalari:
G'ARB MINTAQASI
1-savatcha: "Al-Duhayl" (Qatar), "Al-Hilol" (Saudiya Arabistoni), "Persepolis" (Eron), "SHarja" (BAA), "Al-Sadd" (Qatar).
2-savatcha: "Al-Nassr" (Saudiya Arabistoni), "Traktorsozi" (Eron), "SHabab Al-Ahli Dubay" (BAA), "Al-Rayyan" (Qatar), "Al-Ahli" (Saudiya Arabistoni).
3-savatcha: "Paxtakor" (O'zbekiston), "Al-Vihdat" (Iordaniya), "Goa" (Hindiston), "Istiqlol" (Tojikiston), "Istiqlol" (Eron).
4-savatcha: "Al-SHorta" (Iroq), "Al-Garafa" (Qatar) – AGMK (O'zbekiston) g'olibi, "Al-Vahda" (Saudiya Arabistoni) – "Eyr Fors" (Iroq) g'olibi, "Fulad" (Eron) – "Al-Ayn" (BAA) g'olibi, "Al-Vahda" (BAA) – "Al-Zavraa" (Iroq) g'olibi.

SHARQ MINTAQASI
1-savatcha: "Czyansu Sunin" (Xitoy), "Kavasaki Frontale" (Yaponiya), "CHonbuk Xyonde Motors" (J.Koreya), "BG Patxum Yunayted" (Tailand), "SHandun Lunen" (Xitoy).
2-savatcha: "Gamba Osaka" (Yaponiya), "Ulsan Xyonde" (J.Koreya), "Tay Port" (Tailand), "Guanchjou" (Xitoy), "Nagoya Grampus" (Yaponiya).
3-savatcha: "Yunayted Siti" (Filippin), "Kitchi" (Gonkong), "Viettel" (Vetnam), "Joxor Darul Tazim" (Malayziya), "Tampines Rovers" (Singapur).
4-savatcha: "Sidney" (Avstraliya), "Beyczin" (Xitoy) – "Brisben Roar" (Avstraliya)/"Kayya Iloilo" (Filippin) g'olibi, "Sereso Osaka" (Yaponiya) – "Melburn Siti" (Avstraliya)/"SHan Yunayted" (Myanma) g'olibi, "Poxan Stilers" (J.Koreya) – "Ratchaburi" (Tailand) g'olibi, "Tegu" (J.Koreya) – "CHiangray Yunayted" (Tailand) g'olibi.