Obod BAAda Beyjing Goan bilan durang o'ynadi

Murabbiylar shtabi yig'in doirasida asosiy etiborini futbolchilarning funkcional va jismoniy tayyorgarligini yanada oshirish hamda tarkibga yangi jalb etilganlarning jamoa o'yin uslubiga moslashib ketishini taminlashga qaratishgan. SHu maqsadda amirliklardagi yig'in doirasida bir qator nazorat-sinov uchrashuvlari tashkil etish ham ko'zda tutilgan.

Kuni kecha SHavkat Abduxo'jaev bosh murabbiyligidagi Obod jamoasi azolari o'zlari kabi BAAda yig'in tashkil etgan Xitoyning mashhur Beyjing Goan klubiga qarshi o'rtoqlik uchrashuvida maydonga tushdi. Yaxshi bilasiz, pekinliklar safida milliy terma jamoamiz azosi Egor Krimec to'p suradi. Keskin va murosasiz kurashlarga boy kechgan bahsda kuchlar teng keldi – 1:1. Obod hisobiga yozilgan to'pni esa raqib futbolchisi o'z darvozasiga kiritib qo'ydi. Uchrashuvda poytaxt jamoasi quyidagi tarkibda harakat qilishdi:

Obod – Beyjing Goan – 1:1
Obod: Dilshod Hamroev, Xurshid G'iyosov, Javlon Iskandarov, Ilxom Komilov, SHerzod Jalilov, Javohir Qahramonov, SHoxruz Norxonov, Sanjar To'raqulov, G'ayrat Umirov, Alisher Azizov, Vladislav Nuriev.

Obod jamoasining amirliklardagi yig'ini 28 fevralda yakunlanadi. SHundan so'ng jamoa azolari Toshkentga qaytib kelishadi va O'zbekiston XXV milliy chempionatining 1-turi doirasida Qo'qon-1912ga qarshi kechadigan o'yinga tayyorgarlikni boshlaydi.

Obod FK matbuot xizmati