No'mon Hasanov: "Hali hech nima yo'qotilgani yo'q"

"Ikkala jamoa futbolchilar ko'p mehnat qilishdi. Yaxshi o'yin namoyish etishdi. Kubok o'yinlari ikkita o'yindan iborat. SHu bois hali hammasi oldinda. Finalga kim chiqishi javob o'yinida hal bo'ladi. Hech nima yo'qotganimiz yo'q", - deydi No'mon Hasanov.

- Birinchi gol bizga qattiq tasir ko'rsatdi. Hisobni tenglashtirishga urindik. SHoshildik. Bu futbol, unda kimdir yutadi, kimdir yutqazadi. Hali hech nimani yo'qotganimiz yo'q. Tarkibga doim o'zgarishlar qilamiz. O'yinning tahlilini ko'rib chiqib tanbehlar beriladi, xulosalar chiqariladi.

- Bugun "Paxtakor" o'ziga o'xshamadi. Oddiy paslarda ham juda ko'p, juda ko'p xatolar bo'ldi. Jamoaga nima bo'ldi?

- To'g'ri bugun xatolar ko'p bo'ldi. Xatto eng tajribali futbolchimiz Kaxi Maxaradze ham xato qildi. Hisobni tenglashtirdik, tezda gol o'tkazdik, yana hisobni tenglashtirdik va yana o'tkazdik. 

- Stanislav Andreev qaysi hislati evaziga asosiy tarkibda o'ynaydi. Uning Pardaevdan qanday ustunligi bor?

- Bahodir Pardaev ko'p o'yinlarda ishtirok eta olmadi. SHu bois uni sekin asta tarkibga qo'shib boramiz. Andreev esa o'tgan o'yinlarda gol urdi, bugungi tarkibga mos futbolchi. To'g'ri u ham ko'p xato qildi.

Jarima to'plarini amalga oshirish uchun tarkibda Kozak, Andreev, Pardaev kabi futbolchilarimiz bor. Ammo omad ham kerak.

- Jamoa oxirgi o'yinlarni klass evaziga qo'lga kiritgandi. Bugun esa shijoatsiz o'yin kuzatildi.

- Nega unday deb o'ylamayman. Bugun "Bunyodkor"dan u qadar kuchsiz bo'lmadik. Vaziyatlar yaratdik. Anchdan buyon 3ta gol o'tkazmagandik.

- Jamoaning hujumiga rangbaranglik kiritish mumkinmi?

- Jamoaning bir necha yillardan buyon qo'llab kelayotgan taktikani darhol o'zgartirib bo'lmaydi. Buning uchun kamida 3 oy kerak. To'g'ri barchaga hujumkor o'yin yoqadi.

Narzulla Saydullaev