Nilufar Qudratova: "Gol o'tkazmasdan chempion bo'lishni ko'zlagandik"

Uchrashuvdan keyin ketma-ket 3-o'yinda o'yinning eng yaxshi futbolchisi deb topilgan termamiz sardori Nilufar Qudratova fikrlari bilan o'rtoqlashdi.

"G'alabamizdan juda xursandman. O'zbekiston halqini bu bilan tabriklayman. Yuqori maqsadlar bilan kelgandik. Gol o'tkazmasdan chempion bo'lishni ko'zlagandik. Xudoga shukrki, bunga erishdik. 

O'yin yaxshi o'tdi. Eron munosib raqib edi. SHoshma-shosharlikka yo'l qo'yganimiz uchun kam gol bo'ldi. Bizni qo'llab-quvvatlab turgan barcha muxlislarga tashakkur!

Ushbu kubok oldindan bizniki bo'lib kelgan, bundan keyin ham shunday bo'lib qoladi degan umiddaman", – dedi Qudratova.

Malumot o'rnida, ayollar terma jamoamiz musobaqa davomida umuman gol o'tkazmadi. 

CAFA women's championship-2022. O'zbekiston Eronni yutib, musobaqa g'olibiga aylandi!