Nematulla Qutiboev: "Qo'limda disk yo'qligi uchun PFLga shikoyat qila olmadim"

Bu borada saytimizda avvalroq maqola chiqqandi.

Vaziyatga oydinlik kiritish maqsadida nukusliklar ustozi Qutiboevga sim qoqdik.

- Bo'lgan ish bo'lib o'tdi. Endi uni eslashdan mani yo'q. Saytingizda chiqqan maqolada yozilgan barchasi to'g'ri. Lekin o'yinni videoga olmaganmiz. Qo'limda disk yo'q ekan, bu borada hakam ustidan PFLga shikoyat qilish foydasizdir, - deya gap boshladi Qutiboev.

- Uchrashuvni ko'rish uchun stadionga tashrif buyurgan ishqibozlar o'yinda nima yuz berganini o'z ko'zlari bilan ko'rishdi. Xulosani o'zlari chiqarib olaverishadi. Aytganimdek, hakamning xatosini isbotlash uchun o'yin diski yo'q.

- Klub rahbariyati bilan gaplashdik, endi keyingi o'yinlarimizni videoga olinadi. SHunday qilmasak bo'lmaydi, - deydi "Orol" bosh murabbiyi.